მოგეხსენებათ, გასულ კვირას Sky Sports-ის ექსპერტმა და ლივერპულის ლეგენდამ, ჯეიმი კარაგერმა "იუნაიტედის" ტრანსფერს დასცინა და განაცხადა, რომ ბასტიანის საუკეთესო წლები წარსულს ჩაბარდა.

ბასტიანის "იუნაიტედში" გადასვლას მსოფლიო ფეხბრუთის ლეგენდა, ფრანც ბეკენბაუერიც გამოეხმაურა. გერმანელი ფეხბურთელის აზრით, მისი თანამემამულესთვის უკეთესი ვარიანტი MLS-ში გადასვლა იყო.

თავად შვაინშტაიგერი კი, რომელსაც 1 აგვისტოს 31 წელი უსრულდება მიიჩნევს, რომ ფეხბურთზე უარის სათქმელად ჯერ კიდევ ადრეა და "იუნაიტედს" იგი გამოადგება.

"მე მხოლოდ 30-ის ვარ. ეს ჩემთვის გამოწვევაა და მინდა დავამტკიცო, რომ მანჩესტერი ჩემთვის წარმატებული იქნება.

მსოფლიო ჩემპიონატი ძალიან სტრესული იყო მას შემდეგ, როცა მე მუხლის ტრავმა მივიღე. მიუხედავად ამისა, დიდ თამაშებზე მონაწილეობის მიღების გამოცდილება მაქვს და სწორედ ეს არის ჩემი უპირატესობა. მინდა დადებითი ეფექტი ვაჩვენო და იმედი მაქვს, გუნდისთვის სასარგებლო ვიქნები და პრემიერ ლიგას მალე მოვერგები.

ჩემი თამაშის სტილი ბურთის კონტროლია, ამისათვის ფეხბურთელს გამჭრიახი გონება და სწრაფად აზროვნება მართებს. ჩემი აზრით, მთავარია აკონტროლებდე სიტუაციას დაცვაში. გოლების გატანა ყოველთვის შესაძლებელია, მაგრამ თქვენ საიმედო დაცვა უნდა იყოთ. იმედი მაქვს, "იუნაიტედის" თამაშს შევავსებ.

იმის გათვალისწინებით, თუ ვინ არის ჩვენი მწვრთნელი და მისი თანაშემწეები, დარწმუნებული ვარ, "იუნაიტედი" ტიტულის მოპოვებას აუცილებლად შეძლებს,"-ციტირებს გერმანელის სიტყვებზე Daily Mirror.