"Sky Italia"-ს ცნობით, "ტორინოს" მარჯვენა მცველი, მატეო დარმიანი სამედიცინო შემოწმებას "მანჩესტერ იუნაიტედში" პარასკევს გაივლის.

25 წლის იტალიელი, მემფის დეპაის შემდეგ იქნება მეორე შენაძენი "იუნაიტედისთვის". გავრცელებული ინფორმაციით იგი კლუბთან 4 წლიან კონტრაქტს მოაწერს ხელს.

დარმიანი "მანჩესტერს" 13 მილიონი ფუნტის სანაცვლოდ შეუერთდება და მან თავისი წასვლის შესახებ "ტორინოს" გულშემატკივრებს წერილის საშუალებით აცნობა.

მისი ტრანსფერი დაადასტურა ჯანპიერო ვენტურამაც, რომლის თქმითაც ფეხბურთელში აღებული ფული კლუბის გაძლიერებას მოხმარდება.

შეგახსენებთ, რომ დარმიანი გახდა იტალიის ნაკრების 2014 წლის საუკეთესო ფეხბურთელი, ასევე შესანიშავი სეზონი ჩაატარა "სერია ა"-ში, სადაც 32 მატჩში 2 გოლი გაიტანა.

წყარო: Sky Sports