"საუთჰემპტონის" მთავარმა მწვრთნელმა, რონალდ კუმანმა გამართა პირველი პრეს-კონფერენცია წინასასეზონო ტურნეს დაწყებამდე. პრესკონფერენციის დროს მან კომენტარი გააკეთა მორგან შნეიდერლინის შესაძლო ტრანსფერზე.

"ორი კვირის წინ ჩვენ მივიღეთ წინადადება "იუნაიტედისგან" - გადმოგვცემს კუმანის სიტყვებს Manchester Evening News. "თუმცა მათი შემოთავაზებული თანხა საკმარისი არ იყო. მას შემდეგ ჩვენ არავინ შეგვხმიანებია. თანხა? მე ფასებზე და ფულზე არ ვსაუბრობ, ეს კლუბის საქმეა და არა ჩემი."

"მე შევხვდი მორგანს. ვნახოთ რა მოხდება უახლოეს დღეებში. იმედი მაქვს, რომ თუ რაიმე შეთანხმებას ექნება ადგილი, ყველაფერი სწრაფად დასრულდება. ასე აჯობებს ფეხბურთელისთვისაც და ჩვენთვისაც."

ასევე ცნობილია, რომ შნეიდერლინმა გამოტოვა დღევანდელი ვარჯიში, ოფიციალურ მიზეზად კი ფეხბურთელის შეუძლოდ ყოფნა სახელდება.

წყარო: ManUtd.ru