"მანჩესტერ იუნაიტედი" და ლონდონის "ჩელსი" ასმირ ბეგოვიჩის შეძენისთვის იბრძოლებენ.

ჟოზე მოურინიო "სტოკ სიტის" მეკარეს პეტერ ჩეხის შემცვლელად მოიაზრებს, რომელიც "არსენალში" გადავიდა.

"ლურჯებმა" "მეთუნეებს" უკვე მიმართეს ბოსნიელი მეკარის თაობაზე და მოლაპარაკებების დასრულებას მომდევნო რამდენიმე დღის განმავლობაში გეგმავენ. თუმცა ამაში ხელი შეიძლება "იუნაიტედმა" შეუშალოს.

თუ დავიდ დე ხეა კლუბს დატოვებს, ლუი ვან გაალი მეკარის შეძენას ეცდება. სავარაუდო კანდიდატად კი ბეგოვიჩიც განიხილება, ამიტომ მოურინიოს სურს პოტენციური კონკურენტი გზიდან ჩამოიცილოს და ასმირი დროულად გადაიბიროს.

"ჩელსიმ" 6 მლნ. ფუნტის ოდენობის შეთავაზება უკვე გააკეთა, თუმცა უარი მიიღო, მომდევნო კვირაში კი თანხას გაზრდის.

"სტოკი" მეკარისთვის 10 მლნ. ფუნტს ითხოვს, "ჩელსი" კი მხოლოდ 8 მილიონის გადახდას აპირებს, თუმცა თუ საქმეში "იუნაიტედი" ჩაერთვება, გარკვეული უპირატესობა შეიძლება იმან შესძინოს, რომ ვან გაალს შეუძლია ბოსნიელ კიპერს პირველი მეკარის ადგილი შესთავაზოს, მოურინიოს გუნდში კი, ბეგოვიჩი მხოლოდ ტიბო კურტუას შემცვლელი იქნება.

წყარო: dailymail