2015/16 წლების სეზონისთვის "მანჩესტერ იუნაიტედის" პირველი შვიდი მატჩის თარიღი და დაწყების დრო დამტკიცდა.

"წითელი ეშმაკების" პირველი მატჩი - "ტოტენჰემის" წინააღმდეგ სახლში - ასევე იქნება პრემიერ ლიგის პირველი შეხვედრა ახალ სეზონში და ის 8 აგვისტოს თბილისის დროით 15:45 სთ-ზე გაიმართება.

ლუი ვან გაალის შეგირდები შემდეგ მატჩს პარასკევს ღამით გამართავენ და 14 აგვისტოს 22:45 საათზე "ასტონ ვილას" "ვილა პარკზე" დაუპირისპირდებიან.

სეზონის მესამე შეხვედრა შაბათს, 22 აგვისტოს "ნიუკასლის" წინააღმდეგ "ოლდ ტრაფორდზე" ჩატარდება და სტარტს 15:45 სთ-ზე აიღებს. ხოლო "სუონსისთან" გასვლითი მატჩი კვირას, 30 აგვისტოს 19:00 სთ-ზე დაიწყება.

"ოლდ ტრაფორდზე" "ლივერპულთან" პრინციპული მატჩი შაბათს, 12 სექტემბერს 20:30 სთ-ზე გაიმართება, ხოლო "სენტ მერიზე" "საუთჰემპტონის" წინააღმდეგ დაპირისპირება კვირას, 20 სექტემბერს 19:00 სთ-ზე აიღებს სტარტს.

ყველა ზემოთჩამოთვლილი მატჩის თარიღში ცვლილებებია შეტანილი და პირველადი გადაწყვეტილებისგან განსხვავებით შეცვლას არ ექვემდებარება, თუმცა აგვისტოსა და სექტემბერში ერთი შეხვედრა, რომელიც თავის ორიგინალ თარიღს ინარჩუნებს, 26 სექტემბერს, "სანდერლენდის" წინააღმდეგ შაბათს, 18:00 სთ-ზე გასამართი მატჩია.

წყარო: manutd.com