მადრიდის "რეალის" მთავარი სამიზნე დავიდ დე ხეა დღეს მადრიდში ჩაფრინდა, რამაც კიდევ უფრო გაზარდა სპეკულაცია იმასთან დაკავშირებით, რომ მხარეები მის ტრანსფერზე უკვე შეთანხმდნენ.

დე ხეა მადრიდის აეროპორტში შენიშნეს, მიუხედავად იმისა, რომ "იუნაიტედის" წინასასეზონო ვარჯიში ორშაბათს იწყება. გამოცემები ირწმუნებიან, რომ დე ხეას ტრანსფერი მხოლოდ დროის საკითხია, რადგან "იუნაიტედი" სასურველი გარიგების დადებას ცდილობს, მანამ სანამ ესპანელის შემცვლელის ძიებას დაიწყებენ.

ჟურნალისტების შეკითხვებზე კი თავად ესპანელმა მხოლოდ შემდეგი განცხადება გააკეთა: "თავს მშვენივრად ვგრძნობ. მე მხოლოდ სახლში ჩამოვედი, რათა ცოტათი დავისვენო".



გამოცემები ასევე ირწმუნებიან, რომ დე ხეამ ივნისის დასაწყისში უარი თქვა კლუბის მიერ შეთავაზებულ ახალ კონტრაქტზე და "სანტიაგო ბერნაბეუზე" გადასვლის სურვილი გამოთქვა. "მადრიდის რეალი" მზად არის £18 მილიონის გადასახდელად, "იუნაიტედს" კი იმედი აქვს, რომ მეკარის სანაცვლოდ £30 მილიონს მიიღებს.

Goal-ის განცხადებით ტრანსფერის შემაფერხებელი მხოლოდ ფეხბურთელის საფასურია, რადგან ესპანელის აგენტმა ჟორჟე მენდეშმა უკვე მიაღწია შეთნხმებას მადრიდულ კლუბთან.

წყარო: Goal/com