"მანჩესტერ იუნაიტედის" ყოფილი თავდამსხმელი დუაით იორკი მიიჩნევს, რომ მის ყოფილ კლუბს ზაფხულს სამი შენაძენის განხორციელება სჭირდება.

იორკის აზრით, რომელიც "ოლდ ტრაფორდზე" 1998 წლიდან 2002 წლამდე ასპარეზობდა, ახალწვეულებმა დაცვის ცენტრალური ნაწილი, ნახევარდაცვის საყრდენი ზონა და თავდასხმა უნდა გააძლიერონ.

"მთელი სეზონის განმავლობაში დაცვაში პრობლემები გვქონდა.

შეტევაში კი გვყავდა ანხელ დი მარია, უეინ რუნი, რობინ ვან პერსი და რადამელ ფალკაო, თუმცა ისინი გამანადგურებელ ეფექტს ვერ ახდენდნენ, რაც, როგორც ვიცით, შეუძლიათ. ამიტომ ღირს ცვლილებების განხორციელება და კიდევ ერთი თავდამსხმელის მოწვევა.

გარდა ამისა, როცა მაიკლ კერიკი ვერ თამაშობს, "მანჩესტერ იუნაიტედი" საკმაოდ სუსტად გამოიყურება. აუცილებელია ვან გაალმა საყრდენი ნახევარმცველი იპოვოს", - განაცხადა ყოფილმა თავდამსხმელმა.

წყარო: fapl.ru