ხუან მატა ჩიჩარიტოს კლუბში დარჩენისკენ მოუწოდებს, რათა ძირითადი შემადგენლობისთვის ბრძოლა გააგრძელოს. 27-წლის მექსიკელმა გასული სეზონი მადრიდის "რეალში" გაატარა, თუმცა არც მადრიდში ყოფილა ძირითადის უცვლელი წევრი.

ამ ყველაფრის გათვალისწინებით იგი ახლოსაა კლუბის დატოვებასთან, მის მსურველთა რიცხვს კი კონკურენტი "ლივერპულიც" შეემატა, რომლებსაც მექსიკელის ხილვა თავიანთ რიგებში სურთ.

Goal.com–ის მტკიცებით, თავდამსხმელი ვან გაალთან მოლაპარაკებას წინასასეზონო ტურნეს დაწყებამდე, მომავალ თვეს აპირებს, რათა თავისი მომავალი შტატებში გამგზავრებამდე გაარკვიოს. მატა კი მას მოუწოდებს, რომ ყველანაირი სატრანსფერო შეთავაზება დაბლოკოს და მომავალი სეზონი "ოცნებების თეატრში" გაატაროს.

"ჩიჩარიტო ჯერ კიდევ "იუნაიტედს" ეკუთვნის და მე გამიხარდება თუ ის ჩვენთან ერთად იქნება. მას შეუძლია ბურთების გატანა ნებისმიერი კლუბისთვის, რადგან ძალიან ჭკვიანი თავდამსხმელია."

"ჩიჩარიტო ჩემი დიდი მეგობარია. როდესაც მანჩესტერში ჩამოვედი, ის დიდებულად მექცეოდა. დიდებული ადამიანი და პროფესიონალია. გამიხარდება თუ გასახდელში კვლავ ჩვენთან იქნება, მოხიბლული ვარ მისით" – აცხადებს ხუანი.

წყარო: dailystar