"მანჩესტერ იუნაიტედმა" წლევანდელი სატრანსფერო ფანჯარა ჰოლანდიიდან მემფის დეპაის გადმოყვანით დაიწყო, თუმცა ფაქტია, რომ შემდეგ სეზონში ტიტულისთვის საბრძოლველად ეს საკმარისი არ იქნება.

კლუბს უკვე რამდენიმე წელია აკლია სტაბილური ცენტრალური ნახევარმცველი, ასეთ ვარიანტად კი წელს ბასტიან შვაინშტაიგერი განიხილება. გამოცემა "Mirror"-ის ინფორმაციით, "იუნაიტედი" ძალიან ახლოსაა მიუნხენის "ბაიერნიდან" გერმანელი ნახევარმცველის გაფორმებასთან 7,5 მილიონი ფუნტის სანაცვლოდ. "იუნაიტედის" მწვრთნელი, ლუი ვან გაალი კარგად იცნობს შვაინშტაიგერს, სწორედ ჰოლანდიელმა გადაიყვანა იგი ვინგერის პოზიციიდან ცენტრალურ ზონაში.

ამ სტატიაში მინდა შემოგთავაზოთ ვარიანტები, თუ როგორი სქემით შეძლებს "იუნაიტედი" განლაგებას შემდეგ სეზონში შვაინშტაიგერთან ერთად.



ვან გაალი თავისი მწვრთნელობის პერიოდში ხშირად მიმართავდა 4-3-3 სისტემით განლაგებას. გასულ სეზონში "იუნაიტედმა" სწორედ ამ სქემით მოახერხა უმნიშვნელოვანესი მატჩების მოგება "ტოტენჰემის", "ლივერპულისა" და "მანჩესტერ სიტის" წინააღმდეგ.

ეს ტაქტიკა გუნდს საშუალებას აძლევს კარგად განაწილდეს მთლიან მოედანზე, ასევე ბურთით მყოფ ფეხბურთელს მრავალ ალტერნატივას უქმნის პასის გასაკეთებლად. წინა სეზონში "იუნაიტედის" ბურთის ფლობა არც ისე წარმატებული იყო, თუმცა შვაინშტაიგერს შეუძლია ბურთი კარგად გაანაწილოს მთელ მოედანზე და მომენტები შექმნას.

გერმანელისა და მაიკლ კერიკის დახმარებით "იუნაიტედი" თავისუფლად შეძლებს ბურთის კონტროლს მატჩების უმრავლესობაში, მათი შეთამაშება ასევე დი მარიას მისცემს საშუალებას თავისი საუკეთესო თამაში აჩვენოს. მადრიდში გატარებულ ბოლო სეზონში არგენტინელი სწორედ ამ პოზიციაზე მოქმედებდა და მისი ბურთის სწრაფად ტარების უნარი გახდა მეათე ჩემპიონთა ლიგის მოგების ერთ-ერთი მიზეზი.

მემფის დეპაი, თავისი სწრაფი დრიბლინგებით შეძლებს მოწინააღმდეგის დაცვის დაშლას, ხოლო ხუან მატას ჭკვიანური მოძრაობები "იუნაიტედის" შეტევისთვის უმნიშვნელოვანესი იქნება, როგორც ეს გასულ სეზონში იყო.



ჰოლანდიის ნაკრების ყოფილმა სპეციალისტმა გასულ სეზონში "დაიმონდ" სტილის განლაგებაც სცადა, შვაინშტაგერი კი ამ სქემას უფრო დიდ კონტროლს შესძენს.

ის თავისუფლად შეიძლება იქნას გამოყენებული სხვადასხვა ტაქტიკურ მონახაზზე გადასასვლელად. ვან გაალთან და გვარდიოლასთან შეძენილი გამოცდილებით, გერმანელს თავისუფლად შეუძლია მის გარშემო მყოფი ფეხბურთელების ორგანიზება მოახდინოს და ყველა ღია ზონა დაფაროს.

ამ წყობის ერთადერთი პრობლემა არის ის, რომ ფლანგისკენ მოთამაშე ფეხბურთელები ვალდებულები არიან კარგ ფიზიკურ ფორმაში იყვნენ, რადგან მათზე დიდი დატირთვა მოდის. შვაინშტაიგერი კი შემდეგ სეზონის დასაწყისში უკვე 31 წლის იქნება და საეჭვოა გაუძლებს თუ არა გერმანელი ამ დატვირთვას.



ასეთი წყობით ვან გაალის გუნდმა სეზონის საშინელი სტარტი აიღო, თუმცა შვაინშტაიგერს გვარდიოლას გუნდში რამდენიმეჯერ აქვს ნათამაშები ამ სისტემით და კარგად იცის რა მოეთხოვებათ ნახევარმცველებს იმისათვის, რომ ეს სქემა წარმატებულად იქნეს გამოყენებული.

მისი და კერიკის წყვილი კარგი ფუნდამენტს შექმნიან შემტევი ფეხბურთელებისთვის, თუმცა სისწრაფე ამ წყვილის მთავარი სისუსტე იქნება.

სამაგიეროდ, შეტევის სისწრაფით და ენერგიით უზრუნველყოფა შეუძლიათ ანტონიო ვალენსიასა და ეშლი იანგს, რომელთაც გასული სეზონი მათთვის არც ისე ნაცნობ პოზიციებზე გაატარეს.

რაც შეეხება თავდასხმის ხაზს, დი მარიას, მემფის დეპაისა და უეინ რუნის შესაძლებლობების ნარევი ლეტალური იქნენა ნებისმიერ გუნდის დაცვისთვის.



გასული სეზონის გათვალისწინებით, "იუნაიტედისთვის" ყველაზე წარმატებულად შეგვიძლია 4-3-3 წყობა ჩავთვალოთ. შვაინშტაიგერს კი შეუძლია ეს განლაგება უფრო სრლყოფილი გახადოს.

თამაშის წაკითხვის და შესანიშნავი გადაცემების უნარს დამატებული მისი გამარჯვებულის მენტალიტეტი, ნამდვილად ჭკვიანური მატება იქნება გუნდისთვის, გარდა ამისა მას თავისუფლად შეუძლია ადაპტაცია მოახდინოს სხვადასხვა სისტემაზე.

საერთო ჯამში, ევროპის ერთ-ერთი საუკეთესო ნახევარმცველის დამატებით, "მანჩესტერ იუნაიტედი" მნიშვნელოვნად გაძლიერდება და სერიზულ განაცხადს გააკეთებს სატიტულო რბოლაში.

წყარო