დუაით იორკმა "მანჩესტერ იუნაიტედის" ფეხბურთელებს მოუწოდა, რომ "ოლდ ტრაფორდზე" ისევ დააბრუნონ "შიშისმომგვრელი აურა".

""ოლდ ტრაფორდზე" წარმატების გარდა, საჭიროა შიშისმომგვრელი აურის დაბრუნება. მოწინააღმდეგეები არ უნდა ფიქრობდნენ, რომ ისინი აქ "იუნაიტედისთვის" ქულების წართმევას შეძლებენ, როგორც ეს ადრე იყო. "სუონსი", "ლესტერი", "ვესტ ბრომვიჩი" და ა.შ. - მათ არ უნდა ჰქონდეთ იმედი, რომ მათთვის სასურველ შედეგს მიიღებენ. ამისთვის კი საჭიროა "იუნაიტედმა" საჩემპიონო ტიტული მოიპოვოს" - გადმოგვცემს იორკის სიტყვებს გამოცემა "Mirror".

"ადრე, ჯერ კიდევ მოედანზე გამოსვლამდე, მეტოქე გუნდის ფეხბურთელები მოდიოდნენ და გვეუბნებოდნენ: 'ბექს, მისმინე, შეიძლება თამაშის შემდეგ მაისურები გავცვალოთ?' 'როი კინ, რას იტყვი ფორმების გაცვლაზე?'. "იუნაიტედის" ეშინოდათ და პატივს სცემდნენ. ახლა გრძნობენ იმავეს მოწინააღმდეგეები? მეეჭვება."

"შემდეგი სეზონი ლუი ვან გაალისთვის ძალიან მნიშვნელოვანი იქნება. მიუხედავად ყველა სირთულისა, დარწმუნებული ვარ, რომ გუნდი ყველა ფრონტზე კონკურენტუნარიანი იქნება. ლუი გამოცდილი სპეციალისტია და კარგად იცის რა არის საჭირო წარმატების მისაღწევად."

წყარო: Redevils.ru