გარეტ ბეილის მომავალი კვლავ სპეკულაციის საგნად რჩება და ყოფილ "წითელ ეშმაკს" მიაჩნია, რომ "მანჩესტერ იუნაიტედმა" მის შესაძენად ყველაფერი უნდა გააკეთოს.

2013 წელს ბეილისთვის ბრძოლა "იუნაიტედმა" მადრიდის "რეალთან" წააგო, მაგრამ მას შემდეგ "წითელი ეშმაკები" კვლავ ცდილობენ უელსელის გადაბირებას.

პრესა ირწმუნება, რომ ესპანეთში ბეილი ბედნიერი არ არის და პრემიერ ლიგაში სურს დაბრუნება, დუაით იორკი კი თავის ყოფილ კლუბს უელსელის შეძენისკენ მოუწოდებს.

"გარეტ ბეილს ავირჩევ იმისთვის, რაც "იუნაიტედს" სჭირდება... მოთამაშე, რომელსაც შეუძლია ბურთი წაიღოს და გაიქცეს. ის ბრიტანელია, საოცარია, სწრაფია, შეუძლია მოწინააღმდეგეს გასცდეს, ეს კი ყველას წინ გაქცევის საშუალებას აძლევს. თანაც ის აქ ეყვარებათ, დააფასებენ, რადგან იციან, რას უნდა ელოდნენ მისგან.

ესპანელები რთული ხალხია, მათ რომარიოს და რონალდოს სტილის ფეხბურთელები იზიდავთ - აბრეშუმივით ნაზი ტექნიკის მქონე. ბეილი არ არის აბრეშუმისებრი - ის ძლიერი ფეხბურთელია, რომელსაც გამწვავება შეუძლია და ეს ინგლისისთვის კარგია. როცა სრულ მზადყოფნაშია, მსოფლიოს ერთ-ერთი საუკეთესოა. სწორედ ამიტომ გადაიხადა "რეალმა" ამდენი ფული. ერთი ფეხბურთელის დამატება რომ შემეძლოს "იუნაიტედისთვის" ამ ზაფხულს ბეილს ავირჩევდი".

წყარო: goal.com