"საუთჰემტონის" მთავარმა მწვრთნელმა, რონალდ კუმანმა "მანჩესტერ იუნაიტედის" სატრანსფერო პოლიტიკა გააკრიტიკა და განაცხადა, რომ მისი თანამემამულე ლუი ვან გაალი მხოლოდ პერსპექტივაში ხარჯავს ფულს.

გასულ კვირას მემფის დეპაიმ "პსვ ეინდჰოვენიდან" "მანჩესტერ იუნაიტედში" გადასვლა საბოლოოდ დაასრულა და 25 მლნ. ფუნტის სანაცვლოდ "წითელი ეშმაკების" წევრი გახდა.

რონალდ კუმანს ეჭვი ეპარება იმაშიც, რომ მემფისი პირველივე სეზონში შეძლებს მოლოდინის გამართლება.

"ვფიქრობ, "იუნაიტედმა" ძალიან ბევრი გადაიხადა. თუ გავითვალისწინებთ, რომ მათ 200 მლნ. დახარჯეს ანხელ დი მარიას მსგავსი ფეხბურთელების შეძენაზე, გამოდის, რომ ეს მხოლოდ პერსპექტივის გამო გაღებული ხარჯებია.

თუ მილიონებს ხარჯავ დი მარიაზე, რომელიც ძლივს თამაშობს, მთელ რესურს იღებ რადამელ ფალკაოს იჯარასა და ხელფასში, რომელიც საერთოდ არ თამაშობს, 25 მლნ. არც ისე დიდი თანხაა შენთვის.

დეპაი ყველა მატჩს ვერ ითამაშებს. ინგლისში მუშაობის პერიოდში მივხვდი, რომ ჰოლანდიელები პრემიერ ლიგის დონის ტოპ-ჩემპიონატზე გადასვლას უცებ ვერ ახერხებენ. ახალგაზრდა მოთამაშე 38 შეხვედრაში ვერ მიიღებს მონაწილეობას.

ჰოლანდიელ ბიჭებს პრემიერ ლიგაში კიდევ ერთ ნაკლს ვამჩნევ - ისინი არ არიან კომუნიკაბელურები. ისე იქცევიან, როგორც ინდივიდუალისტები და მხოლოდ თავიანთ სმარტფონებში აქვთ თავი ჩარგული".

კუმანმა ასევე აღიარა, რომ მემფისის შეძენას თვითონაც ცდილობდა.

"ჩემს ძმას ერვინსა და დეპაის ერთი და იგივე აგენტი ჰყავთ. "საუთჰემპტონში" მისი მოწვევა გვინდოდა, მაგრამ კიდევ ერთი წლით პსვ-ში ისურვა დარჩენა. ხოლო, როცა ამ ზაფხულს მის თაობაზე "იუნაიტედმა" გააკეთა შეთავაზება, მივხვდით, რომ ჩვენ აღარავითარი შანსი აღარ გვქონდა. როცა "იუნაიტედი" მიმართავს ვინმეს, შენ შანსი აღარ გაქვს.

ვან გაალი არის მწვრთნელი, რომელსაც დეპაი იცნობს, მასთან უფრო გაუადვილდება ადაპტირება."

წყარო: fapl.ru