"მანჩესტერ იუნაიტედის" მცველს, კრის სმოლინგს მიაჩნია, რომ "ბარსელონასა" და პსჟ-ს წინააღმდეგ თამაში 2015/16 წლების სეზონის დაწყების წინ გუნდს გამოცდილებას შესძენს.

ლუი ვან გაალის შეგირდები 2015 წლის ტურნეს ფარგლებში საფრანგეთისა და ესპანეთის ჩემპიონებს შეხვდებიან და სმოლინგი ორი დიდებული თავდამსხმელის წინააღმდეგ თამაშის მოლიდინშია.

"ამას მოუთმენლად ველი. "ბარსელონას" მანამდეც შევხვდერივართ (2011 და 2012) ტურნეზე და ამ დროს სტადიონი ყოველთვის საოცარი იყო.

ორივე მატჩში სტადიონი ხალხით სავსე სახლს ჰგავდა. საუკეთესოების წინააღმდეგ შენი თავის გამოცდა ახალი სეზონისთვის მზადებაში კიდევ ერთი წინ გადადგმული ნაბიჯია.

პსჟ-ს წინააღმდეგ პირველად ვითამაშებთ, რაც სხვა სახის ტესტს გვპირდება, მაგრამ მნიშვნელოვანია სხვადასხვა ლიგის სხვადასხვა გუნდებთან დაპირისპირება. თუ ჩემპიონთა ლიგის საკვალიფიკაციო ეტაპს გადავლახავთ, მათ შეიძლება მოგვიანებით ისევ შევხვდეთ, ამიტომ კარგი ტესტი იქნება".

როგორც ცენტრალურ მცველს, სმოლინგს შეუძლია საკუთარი თავი ზლატან იბრაჰიმოვიჩისა და ლიონელ მესის წინააღმდეგ გამოსცადოს და ფიქრობს, რომ თითოეული მათგანი ინდივიდუალურ სტილს შესთავაზებს.

"ისინი ორი ძალიან განსხვავებული ფეხბურთელი არიან. მესი არის მოთამაშე, რომელსაც სჭირდება სივრცე და მას მჭიდროდ უნდა ეთამაშო, რათა შემოტრიალების საშუალება არ მისცე. ვფიქრობ, მთელი გუნდი ერთად უნდა მოქმედებდეს და არა მხოლოდ დაცვის ოთხეული. თუ ერთი ფეხბურთელი მაინც ვერ აჰყვება გუნდს, ის ამ დარღვევას და სივრცეს იპოვის. იბრაჰიმოვიჩი, მეორეს მხრივ, ცდილობს ახლოს ჰყავდე და თუ ამას იზამ, უმალ ჩამოგიცილებს, რადგან ძალიან ძლიერია".

წყარო: manutd.com