უეინ რუნის ლუი ვან გაალთან გაცილებით უკეთესი და მოკრძალებული ურთიერთობა აქვს, ვიდრე 2-გზის გამარჯვებულ სხვა კაპიტანს.

მარკ ვან ბომელის პირველი შეკამათება ვან გაალთან 2010 წლის დეკემბერში მოხდა - შვიდი თვის შემდეგ გერმანიის თასისა და ბუნდესლიგის მოგებისა და ჩემპიონთა ლიგის ფინალში ასპარეზობიდან.

ამ ყველაფერს კი შედეგად ის მოყვა, რომ ვან ბომელი 2011 წლის იანვარში "მილანში" აღმოჩნდა.

ჰოლანდიელები ერთად 2009 წელს შეიკრიბნენ, როცა ვან გაალმა მიუნხენის "ბაიერნი" ჩაიბარა და ვან ბომელი აცხადებს, რომ ლუი ვან გაალს კლუბში თავისი გეგმები ჰქონდა.

"2009 წელი ლუის პირველი წელი იყო "ბაიერნში" და წარმატებულიც. ჩვენ მოვიგეთ ბუნდესლიგა, თასი და ვითამაშეთ ჩემპიონთა ლიგის ფინალში.

მაგრამ კლუბისთვის დიდი ცვლილება მოხდა. მწვრთნელად იურგენ კლინსმანი გვყავდა, შემდეგ კი ვან გაალი მოვიდა და ყველაფერი შეიცვალა. მთელი კლუბის შეცვლა სურდა. გერმანულ კულტურას ჰოლანდიურით ანაცვლებდა. სრულიად განსხვავებული რამ იყო და დასაწყისში გვიჭირდა, მაგრამ ოქტომბერში ყველაფერი თავის ადგილას დადგა და გამარჯვებების მოპოვება დავიწყეთ.

გერმანიაშიც იგივე პრობლემა გვქონდა, რაც "იუნაიტედს". სრული, 100 პროცენტიანი ცვლილება მოხდა. დრო სჭირდებოდა, მაგრამ ვან გაალს თამაშის კარგი იდეები ჰქონდა. თუმცა მასთან მუშაობა რთულია. მოედანზე ლუი კარგია, მაგრამ მის გარეთ ცოტა რთული. შესაძლოა, ეს მწვრთნელის ცხოვრებაა, რადგან ხანდახან ისეთი გადაწყვეტილებების მიღება გიწევს, რაც სასიამოვნო არ არის.

მას აქვს გზა და ის პირდაპირ მიდის. მას აქვს გზა და ის ამ გზას ადგას. პირდაპირ წასვლა უნდოდა. არც მარცხნივ, არც მარჯვნივ, მხოლოდ პირდაპირ. ყველამ იცოდა, რა უნდოდა ლუის.

2010 წლის დეკემბერში მასთან მცირე პრობლემა მქონდა. გუნდის კაპიტანი ვიყავი და ჩემი მოთამაშეებისთვის პატივი უნდა მეცა. შესაძლოა, ამას 120 პროცენტით ვაკეთებდი. მინდოდა სხვა ბიჭებს დავხმარებოდი. იქნებ, ასე არ უნდა მოვქცეულიყავი და ყველაფერი თავის ნებაზე მიმეშვა, მაგრამ მე ასეთი არ ვარ. ეს არის ჩემი ხასიათი და ეს არის მისი ხასიათი ასევე.

ყველა მწვრთნელისგან განსხვავდება. მას უნდა შეეწყო და თუ ამას იზამ, მაშინ ყველაფერი ადვილია. ლუის პატივი უნდა სცე, მაგრამ მისი არ უნდა გეშინოდეს".

წყარო: M.E.N.