"მანჩესტერ იუნაიტედის" ცენტრალურმა მცველმა, ფილ ჯონსმა, სანაკრებო მატჩების დროს ტრავმა მიიღო და მკურნალობის კურსის გავლა მოუწევს.

23-წლის მცველი "სლოვენიასთან" შეხვედრაში, შესვენებაზევე შესაცვლელი გახდა და ამის მიზეზი კოჭის ტრავმაა.

ეს ტრავმა, ახალგაზრდა ინგლისელისთვის 23-ეა, მას შემდეგ რაც იგი 2011 წელს "ბლექბერნიდან" "იუნაიტედში" გადაბარგდა.

გასულ სეზონში, მას არაერთხელ მოუწია "წითლების" ლაზარეთში დროის გატარება, საერთო ჯამში კი 2014/15 წლებში მან 24 შეხვედრა ჩაატარა.

ტრავმის შესახებ ინფორმაცია, მატჩის შემდგომ პრეს-კონფერენციაზე როი ჰოჯსონმა გაასაჯაროვა:

"ფილმა ტრავმა მიიღო და სწორედ ამიტომ შეცვცვალე. ბურთის მოგერიების დროს უილშირს ფეხზე დააბიჯა და სწორედ ამ მომენტში იგრძნო ტკივილი. მას სურდა თამაშის გაგრძელება, თუმცა არ გავრისკეთ."

მართალია ჯონსმა მოედანზე მხოლოდ 45 წუთი დაჰყო, თუმცა გულშემატკივარს თავი მაინც დაამახსოვრა, მაგრამ სამწუხაროდ უაყოფითი კუთხით. სწორედ ფილის ცუდად მოწოდებულ აუტს მოჰყვა კონტრ-შეტევა, რომელიც სლოვენიელმა შემტევმა გოლად აქცია.

ჰოჯსონს ამ ფაქტზეც ჰკითხეს, რაზეც მთავარმა მწვრთნელმა ასეთი პასუხი გასცა:

"მე ის არ გამიკრიტიკებია, საერთოდ ხშირად არ ვაკრიტიკებ ჩემს მოთამაშეებს ტექნიკური შეცდომების გამო. მისთვის არაფერი მითქვამს, ის თავადაც ხვდება დანაშაულს ჩემი სიტყვები არ არის საჭირო."