"იუნაიტედის" ყოფილმა ნახევარმცველმა, რომელმაც 2008 წელს კლუბთან ერთად ჩემპიონთა ლიგა მოიგო, განაცხადა, რომ მისი მოლოდინით, "იუნაიტედი" მომდევნო წელს ევროპაში წარმატებას ვერ მიაღწევს.

დევიდ მოიესის წარუმატებელი მცდელობის შემდეგ ლუი ვან გაალმა "წითელი ეშმაკები" ევროპის ყველაზე პრესტიჟულ ტურნირზე დააბრუნა, თუმცა ჯერ კიდევ არსებობს ბარიერი პლეი-ოფის მატჩების სახით.

ჰოლანდიელი სპეციალისტი გუნდის გაძლიერებას ზაფხულს გეგმავს და მემფის დეპაის გარდა კიდევ რამდენიმე ფეხბურთელს შეიძენს, თუმცა ჰარგრივსს მიაჩნია, რომ წარმატების მისაღწევად ეს არ იქნება საკმარისი.

"არა მგონია, "მანჩესტერ იუნაიტედი" ჩემპიონთა ლიგის ტიტულისთვის ბრძოლისთვის მზად იყოს. თუ "ბაიერნს", "რეალს" და "ბარსელონას" შეხედავთ, ნამდვილად იფიქრებთ, რომ მათ დონეზე არ არიან.

ვფიქრობ, გულშემატკივარი სიამოვნებით ისურვებდა იმ პერიოდს, როცა ყოველ წელს პოტენციურად ჩემპიონთა ლიგის ნახევარფინალში იყვნენ, ხოლო ჩემპიონატს არა უბრალოდ იგებდნენ, არამედ ამას ლამაზად აკეთებდნენ.

მიუხედავად იმისა, რომ მოსალოდნელია 200 მლნ. ფუნტის დახარჯვა, 100 პროცენტით დარწმუნებული არ ვარ იმაში, რას დაემსგავსება გუნდი. "ჩელსი" გაცილებით ძლიერი გუნდია ქვეყანაში. "მანჩესტერ იუნაიტედს" ცოტა მეტი სჭირდება", - განაცხადა ოუენ ჰარგრივსმა.

წყარო: goal.com