მემფის, თქვენ უკვე ოფიციალურად ხართ "მანჩესტერ იუნაიტედის" მოთამაშე. როგორი გრძნობაა?

ოცნების ახდენას ჰგავს. ძალიან ბედნიერი ვარ და აღელვებული გუნდთან ერთად თამაშით, მანჩესტერში კი ამისგან სიამოვნებას ვიღებ.

პსვ-ში დიდებული სეზონი გქონდათ, ფიქრობთ, რომ პრემიერ ლიგისთვის მზად ხართ?

დიახ, მზად ვარ. ჯერ კიდევ ახალგაზრდა ვარ, მაგრამ ეს ნაბიჯი გადავდგი და პრემიერ ლიგაში მსოფლიოს საუკეთესო გუნდთან ერთად თამაშს მოუთმენლად ველოდები.

თქვენი რამდენიმე დიდებული მატჩი ვნახეთ ამ სეზონში, მაგრამ თქვენს სიძლიერეს თავად როგორ აღწერთ?

წინ გადავდგი ნაბიჯი იმ მხრივ, რომ ამ სეზონში უფრო მეტი გოლი გავიტანე, რაც ჩემთვის მნიშვნელოვანია. ეს მართლა მახარებს, მსოფლიო ჩემპიონატის შემდეგ სანაკრებო თამაშებმაც კარგად ჩაიარა. პროგრესი განვიცადე და მინდა ახლა მაღალ დონეზე ვითამაშო.

მსოფლიო ჩემპიონატზე ლუი ვან გაალის ხელმძღვანელობით ითამაშეთ. რამდენად მნიშვნელოვანი იყო "იუნაიტედში" გადასვლაში მისი როლი?

ძალიან მნიშვნელოვანი. მან მსოფლიო ჩემპიონატზე თამაშის საშუალება მომცა, ჩემდამი რწმენა გამოავლინა და ვფიქრობ, მსოფლიოში საუკეთესო მწვრთნელია. სავარჯიშო მოედანზე უკეთესს მხდის და ეს ჩემთვის მნიშვნელოვანია. ასე რომ, მასთან ერთად მუშაობას მოუთმენლად ველოდები.

ჩვენ გვყავს ჰოლანდიელი მწვრთნელი, ჰოლანდიური სამწვრთნელო შტაბი, დეილი ბლინდი და რობინ ვან პერსი - ახალ კლუბში თავის დამკვიდრებაში რამდენად დიდ დახმარებას გაგიწევთ ეს?

ვფიქრობ, შედარებით იოლი იქნება. შემიძლია ბიჭებს ვკითხო კლუბის შესახებ, მაგრამ ჩემი გრძნობებითაც მივხვდები ამას. ყველაფრის ნახვა მჭირდება, გაუმჯობესება მჭირდება, სტადიონის ნახვა მჭირდება. ამას ჩემზე დიდი გავლენა ექნება, რადგან ჯერ ახალგაზრდა ვარ, ამ კლუბს კი უამრავი გულშემატკივარი ჰყავს. ძალიან ბედნიერი ვარ.

გიფიქრიათ "ოლდ ტრაფორდზე" "იუნაიტედის" მაისურით თამაშზე?

ამაზე ვოცნებობდი, ასე რომ, დაე მოხდეს. ვეღარ ვითმენ "ოლდ ტრაფორდზე" თამაშამდე.

კლუბს ვინგერების ძალიან ცნობილი ისტორია აქვს - რაიან გიგზი და კრიშტიანუ რონალდუ. რამდენად გინდათ მათი გზის გავლა?

მირჩევნია ფეხებს მივცე საუბრის საშუალება. იმედი მაქვს, პრემიერ ლიგაში განვვითარდები და აქ ამ დიდებული მოთამაშეების მსგავს ფეხბურთს ვითამაშებ. ბევრ შრომას ვაპირებ, ასე რომ, ვნახოთ. მჯერა, "მანჩესტერ იუნაიტედის" უდიდესი მოთამაშე გავხდები.

ჯერ ახალგაზრდა ხართ. გრძნობთ, რომ ჯერ კიდევ გაქვთ რაიმე განსავითარებელი და გასაუმჯობესებელი და ამის გაკეთება სწორედ აქ გინდათ?

რა თქმა უნდა. ახალგაზრდა ვარ და ნაბიჯის წინ გადადგმა ჯერ კიდევ შემიძლია. ვიცი, რომ რთული ლიგაა: ყველაფერი სწრაფად ხდება და ლიგაც ძლიერია. მაგრამ ვისწავლი და უფრო სწრაფი, ძლიერი და უკეთესი გავხდები აქ. ასე რომ, მჯერა, შემიძლია ჩემგან უფრო მეტი მივიღო.

ეჭვგარეშეა, რომ პრემიერ ლიგის რამდენიმე მატჩი გინახავთ. რამდენად გაღელვებთ ამ ლიგაში შთაბეჭდილების მოხდენა და არის თუ არა ეს ის, რაც ყოველთვის გინდოდათ?

ვფიქრობ, პრემიერ ლიგაში გოლის გატანა დიდებული შეგრძენაა - გულშემატკივარი ჭკუიდან იშლება ჰოლანდიის ლიგისგან განსხვავდება და შემიძლია წარმოვიდგინო, რამდენად დიდია, მაგრამ იმისათვის, რომ გულშემატკივართა გავლენა და მხარდაჭერა ნამდვილად შევიცნო, მოედანზე უნდა ვიყო.

მწვრთნელმა თქვა, რომ ამ კლუბთან ერთად თასების მოგება სურს. თქვენ რა ამბიცია გაქვთ აქ?

კარგი, მეც მინდა გუნდთან ერთად თასის მოგება. ჩვენ მსოფლიოს უდიდესი კლუბი ვართ, ამიტომ ამ თასებისთვის უნდა ვიბრძოლოთ.

თქვენი სეზონი სულ ახლახან დასრულდა, მაგრამ რამდენად მოუთნელად ელოდებით "მანჩესტერ იუნაიტედის" მაისურის მორგებას?

დიდებული სეზონი მქონდა, მაგრამ სულ სხვა დონეზე გადავდივარ და ამას ვხვდები. მიხარია, რომ "მანჩესტერ იუნაიტედის" ნაწილი ვარ, მაგრამ თასები უნდა მოვიგოთ. მჯერა, ეს შეგვიძლია.

წყარო: manutd.com