"მანჩესტერ იუნაიტედი" მოხარულია გაცნობოთ, რომ მემფის დეპაის ტრანსფერი "პსვ ეინდჰოვენიდან" ოფიციალურად დასრულდა. მემფისი "იუნაიტედს" 4-წლიანი კონტრაქტით შეუერთდა, თუმცა შეთანხმება გახანგრძლივების პერსპექტივასაც მოიცავს.

დეპაი: "ოცნების ახდენას ჰგავს მსოფლიოს უდიდეს კლუბში თამაში და ისეთ მწვრთნელთან ერთად მუშაობა, რომელიც ჩემი რწმენით მსოფლიოს საუკეთესო სპეციალისტია. ჩემი შესაძლებლობების ღრმად მწამს და მიზნების მისაღწევად ბევრს ვიშრომებ.

პსვ-ში 12 წლიდან ვარ და მინდა ყველაფრისთვის მადლობა გადავუხადო მათ. დიდებული მომენტი იყო, როცა ლიგა მოვიგეთ და მიხარია, რომ ამაში წვლილი მეც მიმიძღვის. ახლა ჩემს ცხოვრებაში ახალი თავი იწყება, რასაც მოუთმენლად ველოდები".

ვან გაალი: "მემფისს ჰოლანდიის ეროვნულ ნაკრებში მუშაობის დროიდან მოყოლებული კარგად ვიცნობ. ის არის ახალგაზრდა დიდებული ფეხბურთელი, რომელსაც რამდენიმე პოზიციაზე შეუძლია თამაში.

დროს მივცემ მემფისს, რათა პრემიერ ლიგის რიტმს შეეგუოს, მაგრამ ეჭვი არ მეპარება, რომ მას უდიდესი პოტენციალი აქვს იმისთვის, რომ ამ კლუბში დიდი ფეხბურთელი გახდეს. ის კი შესაფერის კლუბში იმყოფება თავისი კარგი საქმის გასაგრძელებლად".

წყარო: manutd.com