ბასტიან შვაიშტაიგერის პატივისცემა პოლ სქოულზისადმი "მანჩესტერ იუნაიტედისა" და მიუნხენის "ბაიერნის" ლეგენდათა მატჩის წინ კვლავ დადასტურდა.

გასულ წელს ჩატარებული ანალოგიური მატჩის წინ "ალიანს არენაზე" "ბაიერნის" პირველ გუნდს ღია სავარჯიშო სესია ჰქონდა. მატჩი კი ფრედ 3-3 დასრულდა და მასში სქოულზმა გოლის გატანა გუნდის კაპიტნის რანგში მოახერხა.

"იუნაიტედის" ყოფილმა ფეხბურთელმა ქუინტონ ფორჩუნმა იმ დღეს სქოულზთან ერთად ითამაშა გუნდში და კვირასაც ასე იქნება. მანამდე კი ფორჩუნი მისთვის სასიამოვნო ეპიზოდს იხსენებს:

"არასდროს დამავიწყდება ის რაც მოხდა, როცა შვაინშტაიგერი პირველი ტაიმის შემდეგ სქოულზს ელოდებოდა, რათა მაისური მიეღო მისგან. ამ ადამიანმა სულ ახლახან მსოფლიო ჩემპიონატი მოიგო, მაგრამ გულშემატკივარივით იდგა და ელოდა. "ბაიერნის" ფეხბურთელებს უდიდეს პატივს ვცემ ასეთი დამოკიდებულის გამო, მაგრამ ეს იმას აჩვენებს, რომ ხალხი სქოულზს განსაკუთრებულად აფასებს".

სქოულზმა კი განაცხადა: "შვაინშტაიგერმაც მომცა თავისი მაისური, რაც მისგან სასიამოვნო იყო. დიდებული ფეხბურთელია, ამიტომ გამიხარდა მასთან დალაპარაკება და ნასიამოვნები დავრჩი. თუმცა დარწმუნებული არ ვარ იმაში, რატომ ისურვა ჩემი მაისური!"

კამათი იმის შესახებ, თუ ვინ არის ინგლისის ყველა დროის საუკეთესო ნახევარმცველი, კვლავ აქტუალური გახდა მას შემდეგ, რაც "ლივერპული" ჯერარდმა დატოვა. ფორჩუნი კი ორ ვარიანტს არც განიხილავს: "ასეთი საუბარი არც კი უნდა დაიწყოს. ეს იგივეა, რომ მეივიზერი და ალი შეადარო - ჩემი აზრით, შესადარებლადაც კი არ ღირს. უბრალოდ სქოულზია და მორჩა".

წყარო: manutd.com