"მანჩესტერ იუნაიტედის" ყოფილმა თავდამსხმელმა, ენდი კოულმა გამოკითხვაში "ერთად და წინააღმდეგ" დაასახელა ფეხბურთელები, რომლებიც სხვადასხვა კომპონენტში მისი აზრით საუკეთესოები არიან.

ყველაზე სწრაფი ფეხბურთელი, ვისთან ერთად მითამაშია: ყველაზე მეტად გიგზი. პალისტერი ამის გამო მეკამათებოდა, რადგან ფიქრობდა, რომ თვითონ უფრო სწრაფი იყო, მაგრამ სიმართლე ვუთხარი.

ყველაზე სწრაფი ფეხბურთელი, ვის წინააღმდეგ მითამაშია: დეს უოლკერი, ყველაზე მეტად უოლკერი.

საუკეთესო ფორმაში მყოფი ფეხბურთელი, ვისთან ერთად მითამაშია: დევიდ ბექჰემი. გიგზსაც შეეძლო ბევრი ერბინა, მაგრამ მაინც ბექსი უნდა ვთქვა.

საუკეთესო ფორმაში მყოფი ფეხბურთელი, ვის წინააღმდეგ მითამაშია: არ ვიცი, რადგან ყოველთვის ყველა ჩემს უკან დარბოდა.

საუკეთესო მეპასე, ვისთან ერთად მითამაშია: სქოულზი, ბექსი და კინი ნამდვილად კარგი მეპასეები იყვნენ. კარგი იყო დენის ირვინიც. მრავლად არიან ასეთები.

საუკეთესი მეპასე, ვის წინააღმდეგ მითამაშია: ეფენბურგი პასის ხარისხი იყო, ზიდანი კი ხელოვანი.

ყველაზე რთულად მოსატყუებელი, ვისთან ერთად მითამაშია: კინი. მაგრამ ეს იმაზე იყო დამოკიდებული, თუ როგორ ხასიათზე იყო და რამის დამართნას გიპირებდა თუ არა.

ყველაზე რთულად მოსატყუებელი, ვის წინააღმდეგ მითამაშია: რომ არ მოგატყუოთ, ასეთი მრავლად იყო, რომ მოგატყუოთ, მაინც მრავლად იყო. ამიტომ ზუსტად ვერ ვიტყვი.

საუკეთესო შემსრულებელი, ვისთან ერთად მითამაშია: ოლე უნდა დავასახელო. ის დიდებული შემსრულებელი იყო, ნამდვილად დიდებული.

საუკეთესო შემსრულებელი, ვის წინააღმდეგ მითამაშია: რობი ფაულერი. ბრწყინვალე იყო. ნამდვილად ფაულერი.

წყარო: manutd.com