ჟოზე მოურინიო აცხადებს, რომ პეტერ ჩეხის გადაწყვეტილების წინაშე უძლური იქნება, თუნდ ჩეხმა კონკურენტთა რიგებში ისურვოს თამაში.

ლუი ვან გაალი ვეტერან მეკარეს დავიდ დე ხეას შემცვლელად მოიაზრებს, თუმცა პეტერით "არსენალიც" ინტერესდება.

პრესაში გავრცელებული ინფორმაციის თანახმად, "ჩელსის" მთავარი მწვრთნელი ჩეხს პრემიერ ლიგის გუნდში არ გაყიდდა, რადგან კონკურენტების გაძლიერება არ სურდა, თუმცა თავად პორტუგალიელმა სხვა რამ განაცხადა.

როცა ჰკითხეს, რომან აბრამოვიჩი მისცემდა თუ არა ჩეხს არჩევანის თავისუფლებას და იმ კლუბში გაყიდდა, სადაც პეტერი ისურვებდა, მოურინიომ უპასუხა: "ალბათ, ალბათ. მაგრამ ნებისმიერ კლუბში, რომელიც პეტერით ინტერესდება, შემიძლია ვიპოვო ფეხბურთელი, რომელიც მე მომწონს.

თუმცა ჩემი პასუხი უმნიშვნელოა, რადგან მფლობელი მფლობელია. ის არის პერსპექტიული ადამიანი, რასაც პატივს ვცემ.

ადამიანებს, რომლებიც ჩეხის მსგავსად მნიშვნელოვან საქმეს აკეთებენ, უდიდეს პატივს სცემს. 2004 წლიდან 2014/15 წლებამდე კლუბთან ერთად წარმატებას აღწევდა. ნებისმიერ გადაწყვეტილებას მივემხრობი, რასაც მფლობელი მიიღებს.

განსხვავებული ვარ. პეტერისადმი ისეთივე პატივისცემას განვიცდი, როგორიც ამ კლუბში სხვებს აქვთ, მაგრამ ჩემი პასუხი სულერთია. თუ აბრამოვიჩი სხვა რამეს იტყვის, მაშინ, მეც ისე მოვიქცევი", - განაცხადა მოურინიომ.

წყარო: M.E.N.