უკვე ბევრი რამ დაიწერა მემფის დეპაის შესახებ მას შემდეგ, რაც "მანჩესტერ იუნაიტედმა" ოფიციალურად დაადასტურა მისი ტრანსფერი "პსვ ეინდჰოვენიდან", თუმცა მთავარი კითხვაა, რამდენად მართალია ეს ყველაფერი?!

კლუბის ოფიციალურმა საიტმა ჩაწერა ინტერვიუ "Voetbal International"-ის ჰოლანდიელ ჟურნალისტთან თის სლეჯერსთან, რათა მეტი ინფორმაცია მოეპოვებინათ ახალწვეულზე და გაეგოთ მიზეზები თუ რატომ მოახერხებს მემფისი "ოლდ ტრაფორდზე" წარმატების მიღწევას.

მემფისს კარგი ურთიერთობა აქვს მწვრთნელთან: "ლუი ვან გაალს დიდი გამოცდილება აქვს ახალგაზრდა ფეხბურთელების ახალ დონეზე გადაყვანაში. მას ეს არაერთხელ გაუკეთებია და დეპაი სწორედ ერთ-ერთი მათგანია, რაც მსოფლიო ჩემპიონატზეც გამოჩნდა. მე ვიტყოდი, რომ ვან გაალი არის მთავარი მიზეზი იმისა, თუ რატომ აირჩია მემფისმა "იუნაიტედი". რა თქმა უნდა მას მოსწონს "მანჩესტერ იუნაიტედი", მაგრამ ლუი ძალიან მნიშვნელოვანი ფაქტორია."

არ აგერიოთ თავდაჯერებულობა და ამპარტავნება: "მემფისის განვლილმა ცხოვრებამ იგი უშიშარ ფეხბურთელად ჩამოაყალიბა. ის პატივს სცემს მოწინააღმდეგეს, მაგრამ მათი არ ეშინია. როცა იგი გზას პოულობს, აუცილებლად მიყვება მას, მისთვის პასუხი "არა" არ არსებობს. მახსოვს ერთხელ "პსვ"-ს ზაფხულის სავარჯიშო ბანაკს ვეწვიე "ლა მანგაში", მაშინ მემფისი ახალი გადმოსული იყო პირველ გუნდში, 16 წლის ასაკში. რაც იქ ყველამ ვნახეთ, იყო ახაგაზრდა, თავდაჯერებული ბავშვი, რომელიც ფიქრობდა 'საშუალება მომეცით პირველ გუნდში ვითამაშო'. სამი წლის შემდეგ ის გუნდის შეუცვლელ წევრად ჩამოყალიბდა და მან დაამტკიცა, რომ შეუძლია ყოველთვის ასწიოს საკუთარი ბარიერი, როდესაც ახალ გამოწვევას იღებს. სწორედ ამიტომ, ვფიქრობ რომ ის პრემიერ ლიგაში გაამართლებს."

მემფისი სავარჯიშო დარბაზში ნამდვილი მონსტრია: "ადრეული ასაკიდანვე ის ძალიან ბევრს შრომობდა დარბაზში. ახლა "ეინდჰოვენში" აპირებენ ახალი სავარჯიშო დარბაზის აშენებას ახალგაზრდული გუნდისთვის, მათ სურთ რომ ყოველი ტრენაჟორის გვერდით მითითებული იყოს მემფისის საუკეთესო მაჩვენებლები, რადგან მან ძალიან ბევრი რეკორდი მოხსნა. ეს კეთდება იმისათვის, რომ ახალგაზრდა ფეხბურთელებს დაანახვონ, რა მოითხოვება მათგან და რა არის მათი ნიშნული. გუნდმა მემფისი აქცია სტანდარტად, რომელიც ახალგაზრდებმა მიზნად უნდა დაისახონ."

ის შეადარეთ რონალდოს და არა რობენს: "არ ვეთანხმები მის შედარებას რობენთან, არიენი პიტერ პენს გავს როცა დრიბლინგს ანხორციელებს, მარცხნიდან მარჯვნივ, თითქოს სამბას ცეკვავს. მემფისის სტილი კი უფრო ძალაზეა დაფუძნებული. მემფისსაც შეუძლია დრიბლინგი, მაგრამ როცა ის მოძრაობს, მის მოქმედებაში ძალას ხედავ, ეს კი მცველებს ძალიან აშინებს. დეპაი უფრო კრიშტიანუს სტილია, მათ მსგავსი თვისებები აქვთ, თუმცა, რა თქმა უნდა, მემფისს ჯერ კიდევ ბევრი აკლია პორტუგალიელამდე. გარდა ამისა მისი სწრაფვა საუკეთესოდ გახდომისკენ ნამდვილად ამგვანებს მას რონალდოს."

მემფისს შეუძლია პრემიერ ლიგაში განვითარდეს: "თუ ერედივიზიონს თვალს ადევნებთ, მიხვდებით რომ ის ნამდვილად ტოპ კლასის ფეხბურთელია. თუმცა ეს მთელი თამაშის განმავლობაში არ ჩანს. ის დაახლოებით 20 ან 30 წუთის განმავლობაში გამოიყურება საოცრად და არა მთელ შეხვედრაში. მემფისი არის ფეხბურთელი, რომელსაც ფანტასტიური მომენტების შექმნა შეუძლია, მაგრამ მან აუცილებლად უნდა ისწავლოს სტაბილურად თამაში. კარგია რომ მემფისი პრემიერ ლიგაში გადავიდა, რადგან აქ მისგან ყოველ წუთს 100 პროცენტი მოითხოვება, რაც ჰოლანდიაში ნამვილად არ ხდება."

წყარო: ManUtd.com