2014/15 წლების სეზონი სულ ახლახანს დასრულდა, წინ კი ცხელი ზაფხული გველოდება: ტრანსფერებით, ამხანაგური მატჩებით და საინტერესო ამბებით დატვირთული. შევეცდებით შევქმნათ გიდი, რომელიც "იუნაიტედის" გულშემატკივრებს დაგეხმარებათ არ გამოტოვოთ არცერთი მნიშვნელოვანი დეტალი.

ყველაზე მთავარი: როდის შეძლებს "იუნატიედი" ახალი მოთამაშეების გაფორმებას?

სატრანსფერო ფანჯარა უკვე გაიხსნა, კლუბებს მოთამაშეებთან მოლაპარაკებების დასრულება 1 სექტემბრამდე მოუწევთ.

როდის გამოქვეყნდება პრემიერ ლიგის 2015/16 წლების სეზონის კალენდარი?

პრემიერ ლიგის კალენდარი 17 ივნისს გახდება ყველასთვის ხელმისაწვდომი. სრული სიის ნახვა "მანჩესტერ იუნაიტედის" ოფიციალურ საიტზე, ManUtd.com-ზე, ან ტვიტერის ექაუნთზე, @ManUtd-ზე შეგეძლებათ.

როდის დაბრუნდებიან მოთამაშეები სავარჯიშო კომპლექსში, წინასასეზონო ტურნესთვის მოსამზადებლად?

ლუის ვან გაალი და სამწვრთნელო შტაბი, AON-ის სავარჯიშო ბაზაზე ივლისის პირველ კვირაში დაბრუნდება, რამდენიმე დღეში მოთამაშეებიც დაიწყებენ ნელ-ნელა შეკრებას. 10 ივლისისთვის გუნდი სრული შემადგენლობით დაიწყებს მომზადებას.

რომელ რიცხვში გაემგზავრება გუნდი ამერიკის შეერთებულ შტატებში?

გუნდი მანჩესტერს 13 ილვისს დატოვებს, ჩაფრინდება სიეტლში, სადაც "წითელი ეშმაკები" ადგილობრივ "კლაბ ამერიკასთან" გასამართი შეხვედრისთვის მოემზადებიან. მატჩი 17 ივლისს გაიმართება. ამის შემდეგ გადაინაცვლებენ სან ფრანცისკოში, სადაც 21 ივლისს სან ხოსეს "ერთქუიქს" და "ბარსელონას" გაეჯიბრებიან. წინასასეზონო ტურნის ბოლო შეხვედრა კი, 29 ივლისს ჩიკაგოში, "პსჟ"-ს წინააღმდეგ არის დაგეგმილი.

და ბოლოს, როდის დაიწყება სეზონი?

"იუნაიტედი", რა თქმა უნდა, გეგმავს წინა წლის მსგავსად წინასასეზონო ტურნე ამჯერადაც წარმატებით ჩაატაროს, თუმცა მთავარი მათთვის 8 აგვისტოს დაიწყება, სწორედ ამ დღეს არის პრემიერ ლიგის პირველი ტური. შემდეგ "წითლებს" ჩემპიონთა ლიგის პლეი-ოფის მატჩები მოუწევთ, რომლევიც 18/19 აგვისტოს ჩატარდება (განმეორებითი შეხვედრები 25/26 აგვისტო). თუკი "იუნაიტედი" ამ ბარიერს დაძლევს, კლუბის წარმომადგენლებს ნიონში გამგზავრება მოუწევთ, სადაც 27 აგვისტოს, ჯგუფური ეტაპის კენჭისყრა გაიმართება.

მნიშვლელოვანი თარიღების სია:

• 14 ივნისი: "მანჩესტერ იუნაიტედის" ლეგენდები, "მიუხენის ბაიერნის" ლეგენდების წინააღმდეგ
  
• 17 ივნისი: პრემიერ ლიგის კალენდარის გამოქვეყნება
  
• ივლისის დასაწყისი: მწვრთნელები და მოთამაშეები მანჩესტერში დაბრუნდებიან
  
• 13 ივლისი: გუნდი ამერიკის შეერთებულ შტატებში გაემგზავრება
  
• 17 ივლისი: შეხვედრა "კლაბ ამერიკას" წინააღმდეგ, სიეტლი, 06:00 (თბილისის დროით)
  
• 21 ივლისი: შეხვედრა "სან ხოსე ეართქუიქის" წინააღმდეგ, ბერკლი, 05:00 (თბილისის დროით)
  
• 25 ივლისი: შეხვედრა "ბარსელონას" წინააღდეგ, სანტა კლარა, 23:00 (თბილისის დროით)
  
• 29 ივლისი: შეხვედრა "პსჟ"-ს წინააღმდეგ, ჩიკაგო, 04:00 (თბილისის დროით)
  
• 7 აგვისტო: ჩემპიონთა ლიგის საკვალიფიკაციო პლეი-ოფის კენჭისყრა
  
• 8-10 აგვისტო: პრემიერ ლიგის პირველი ტურის მატჩები
  
• 18/19 აგვისტო: ჩემპიონთა ლიგის საკვალიფიკაციო პლე-ოფის პირველი მატჩი
  
• 25/26 აგვისტო: ჩემპიონთა ლიგის საკვალიფიკაციო პლეი-ოფის განმეორებითი მატჩი
  
• 27 აგვისტო: ჩემპიონთა ლიგის ჯგუფური ეტაპის კენჭისყრა
  
• 1 სექტემბერი: სატრანსფერო ფანჯრის დახურვა