მილანის "ინტერი" "მანჩესტერ იუნაიტედის" ვინგერით, ლუიშ ნანით დაინტერესდა.

პორტუგალიის ნაკრების წევრმა მიმდინარე სეზონი ლისაბონის "სპორტინგში" იჯარის წესით გაატარა, სადაც ფეხბურთელის ხელფასს "წითელი ეშმაკები" იხდიდნენ, რაც დევიდ მოიესის ხელმძღვანელობის ქვეშ გაფორმებული კონტრაქტის მიხედვით კვირაში 110 ათას ფუნტს ითვალისწინებს.

შეგახსენებთ, რომ ლისაბონელთა რიგებში ჩატარებულ 34 შეხვედრაში ნანიმ 11 გოლის გატანა მოახერხა, თუმცა პორტუგალიურ გუნდს მოთამაშის მოთხოვნილებების დაკმაყოფილება და კონტრაქტის გამოსყიდვა არ შეუძლია, ამიტომ ნანი "ოლდ ტრაფორდზე" დაბრუნდა.

ვან გაალის გეგმები კლუბში ნანის დატოვებას არ ითვალისწინებს და სავარაუდოდ ის მომდევნო სეზონს სხვა გუნდის რიგებში გაატარებს.

წყარო: dailymail