"მანჩესტერ იუნაიტედის" ერთ-ერთმა ლიდერმა, მაიკლ კერიკმა, აღნიშნა, რომ სეზონის მეოთხე ადგილზე დასრულების აღნიშვნა არ ღირდა.

"იუნაიტედმა" სეზონი ოთხეულში დაასრულა და მოსისხლე მტერი, "ლივერპული", უკან მოიტოვა. ვან გაალის შეგირდებს, ევრო თასებში ჩაბმა კონკურენტებზე ადრე მოუწევთ, რადგან "ეშმაკებმა" 2-მატჩიანი პლეი-ოფი უნდა ითამაშონ.

"არსენალისთვის", რომელმაც ბოლო 10 წლის მანძილზე მეოთხე ადგილი 6-ჯერ დაიკავა, ცხრილის ამ საფეხურზე სეზონის დასრულება წარმატებად ითვლება და ერთ გვარ ტიტულთანაც კი ასოცირდებოდა, თუმცა კერიკისთვის მთავარი ნამდვილი ტიტულებია:

"კარგია, რომ ოთხეულში დავბრუნდით, თუმცა ეს შესანიშნავი შედეგი არ არის." - განაცხადა მაიკლმა.

"სეზონით შესაძლოა კმაყოფილები ვიყოთ, თუმცა ამ მიღწევის აღნიშვნა არ ღირს. იმედი მაქვს მომავალ წელს უფრო ღირებულს გავაკეთებთ, რაც მართლაც სასიხარულო იქნება.

2013/14 წლებში მეშვიდე ადგილი დავიკავეთ, რაც სრული შოკი იყო. ეს კლუბი ჩემპიონთა ლიგის გარეშე ვერ წარმომედგინა და ვალდებულები ვიყავით რაც შეიძლება მალე დავბრუნებულიყავით იქ. ჩვენ უნდა ვიყოთ იქ.

მომავალ წელს მინდა კიდევ უფრო უკეთესები ვიყოთ და მხოლოდ ოთხეულს არ დავჯერდეთ.

მჯერა ზაფხულის მერე უფრო ძლიერები დავბრუნდებით და ყველა ტურნირის მოსაგებად ვიბრძოლებთ. ეს არ შეიცვლება, ჩვენ ამას წლების მანძილზე ვაკეთებდით."