"მანჩესტერ იუნაიტედის" ლეგენდარული კიპერი ედვინ ვან დერ სარი ამაყობს, რომ დეილი ბლინდმა "ოლდ ტრაფორდზე" პირველივე სეზონში მოახერხა თავის კარგად წარმოჩენა და იმედი გამოთქვა, რომ ვან გაალი "აიაქსს" ახალგაზრდა ფეხბურთელებს აღარ წაართმევს.

დეილი ბლინდმა სწორედ ამსტერდამული კლუბი დატოვა, სადაც ვან დერ სარი მარკეტინგის დირექტორად მუშაობს და "იუნაიტედს" მიაშურა.

"რა თქმა უნდა, ვამაყობთ. თუმცა ბევრი ფიქრი მოგვიხდა იმის შესახებ, თუ ვისით ჩაგვენაცვლებინა ასეთი ფეხბურთელი.

როცა "აიაქსში" მოვიდა 8-წლის იყო, პატარაობაში კი მატჩებზე მამამისთან ერთად მოთამაშეთა ლაუნჯში ან სავარჯიშო ბაზაზე მინახავს. დიდებული იყო იმის ნახვა, თუ როგორ შეძლო ბლინდმა ამ 16 წლის განმავლობაში აკადეემიდან პირველ გუნდამდე განვითარება, ფანტასტიკური თამაში მსოფლიო ჩემპიონატზე, შემდეგ კი ტრანსფერი დიდებულ კლუბში, სადაც მას მეგზურობას ლუი ვან გაალი გაუწევს. იმედი მაქვს, განვითარებას ასევე გააგრძელებს.

თავისი თამაშით აჩვენა, რომ უკვე შემდგარია როგორც ფეხბურთელი, იქნება ეს ნახევარდაცვა თუ მარცხენა მცველის როლი.

დიახ, ეს "აიაქსის" აკადემიის კარგი რეკლამაა, მაგრამ იმედი მაქვს, "იუნაიტედი" ამიერიდან შეწყვეტს ჩვენგან ახალგაზრდა ფეხბურთელების შეძენას, რადგან ვიცი, რომ მათაც არაჩვეულებრივი ახალგაზრდული შემადგენლობა ჰყავთ. ამიტომ ვიმედოვნოთ, რომ ლუი თავის ახალგაზრდებს უფრო მეტ ყურადღებას მიაქცევს, ვიდრე ჩვენსას", - განაცხადა ვან დერ სარმა.

წყარო: manutd.com