"მანჩესტერ იუნაიტედის" ლეგენდარული მწვრთნელის, სერ მეტ ბასბის ქალიშვილი შინა გიბსონი წუხელ ღამით გარდაიცვალა.

შინა, რომელიც ბასბის ცოცხალ შვილთაგან უკანასკნელი იყო, "იუნაიტედის" ყოფილი ფეხბურთელის, ტომას "დონ" გიბსონის ცოლი გახლდათ.

სერ მეტ ბასბის ვაჟი სენდი ბასბი გასულ წელს სექტემბერში "ჰეილ ბარნსში" 78 წლის ასაკში გულის შეტევას ემსხვერპლა.

"მანჩესტერ იუნაიტედმა", კლუბის აღმასრულებელმა დირექტორმა ედ ვუდვორდმა და მრავალმა გულშემატკივარმა გარდაცვალების გამო მწუხარება გამოთქვეს.

სენდი ბასბი და შინა გიბსონი

კლუბის განცხადებაში ნათქვამია: "ძალიან სამწუხაროა, რომ კლუბი შინა გიბსონის, ლეგენდარული მწვრთნელის სერ მეტ ბასბის ქალიშვილის გარდაცვალებას ადასტურებს.

შინა, რომელიც "იუნაიტედის" ყოფილი ფეხბურთელის, დონ გიბსონის ცოლი იყო, ბასბის ორ შვილთაგან უკანასკნელი იყო - ვაჟი სენდი გასულ წელს სექტემბერში დაიღუპა. "ოლდ ტრაფორდზე" ყველას სურს ბასბის ოჯახს ამ მძიმე წუთებში თავისი უღრმესი მხარდაჭერა გამოუცხადოს".

ედ ვუდვორდი: "შინა კეთილი ქალი იყო, რომელსაც კლუბი უყვარდა და მისი ნახვა "ოლდ ტრაფორდზე" ყოველთვის სასიამოვნო გახლდათ. ჩვენი ფიქრები მის ოჯახთან ერთად იქნება.

შინა "მანჩესტერ იუნაიტედის" მთელ ოჯახს მოენატრება".




შინას ქმარს, დონს "იუნაიტედში" 1950 წლიდან 5 სეზონი აქვს გატარებული, შემდეგ კი "შეფილდ უენსდეიში" გადავიდა.

გიბსონის მამა და "იუნაიტედის" ყოფილი მწვრთნელი სერ მეტ ბასბი კი 1994 წელს 84 წლის ასაკში გარდაიცვალა.

წყარო: M.E.N.