როგორი იყო ვან გაალის დანიშვნაზე თქვენი პირველი რეაქცია და როგორ იმუშავეთ მასთან ერთად?

შესანიშნავად. მის მიერ მოპოვებული თასები გვიჩვენებს, რომ ტოპ-მწვრთნელია. კლუბში მოსვლის დღიდან თავი მხოლოდ საუკეთესო მხრივ წარმოაჩინა. ჩემი ირწმუნა და კაპიტნად მაქცია.

სეზონის წარუმატებლად დაწყება ბევრი ახალი ფეხბურთელის მოსვლასა და მრავალრიცხოვანი ტრავმების არსებობას უკავშირდება?

მწვრთნელი თამაშის თავისი ხედვით, ვარჯიშებისადმი დამოკიდებულებით მოვიდა და თავიდან გაგვიჭირდა. ამის შესახებ გაგვაფრთხილა და სანამ მოედანზე მისი იდეების განხორციელებას მოვახერხებდით, გარკვეული დრო დაგვჭირდა. პლუს, ახალი ფეხბურთელების მოსვლა, რომელთათვის სეზონი საკმაოდ რთული გამოდგა.

ამ სეზონში თქენს გამოსვლას როგორ შეაფასებთ?

ვფიქრობ, კარგ ფორმაში ვიმყოფებოდი. სხვადასხვა პოზიციაზე მომიხდა თამაში, მაგრამ მაინც მგონია, რომ უფრო მეტი გოლის გატანა შემეძლო. ჯამში, კლუბის კაპიტნის როლში გატარებული პირველი სეზონით კმაყოფილი ვარ. იმედი მაქვს, "იუნაიტედს" წარმატებამდე მივიყვან.

რას ნიშნავს თქვენთვის კლუბის კაპიტნობა?

ეს უდიდესი პატივია, ეს არის ის, რასაც ველოდი.

რა მიზანი გაქვთ მომდევნო სეზონში?

ჯერ არ განგვიხილავს. ამჟამად იმედი გვაქვს, რომ წინასასეზონო ტურნეს წარმატებით გავივლით. ვფიქრობ, მომდევნო სეზონში ყველა ტიტულისთვის ვიბრძოლებთ.

წყარო: manutd.com