"მანჩესტერ იუნაიტედის" ოფიციალურმა საიტმა, ფილ ჯონსთან ინტერვიუ ჩაწერა. ინგლისელს სთხოვეს დაესახელებინა კლუბის 5 ლეგენდა, რომლებთან თამაშის საშუალება მიეცა. მან შემდეგი 5 მოთამაშე აარჩია:

პოლ სქოულზი

სტატისტიკა: 718 მატჩი, 155 გოლი, 20 ტიტული.

რეზიუმე: "იუნაიტედის" აკადემიის "კლას 92"-ის კურსდამთავრებული. პოლი მისი თაობის ერთ-ერთ საუკეთესო მოთამაშედ ჩამოყალიბდა, მან კლუბში 19 წელი გაატარა და გულშემატკივრის სიყვარულიც დაიმსახურა. წითური სამაგალითო თანაგუნდელი და პატივსაცემი მეტოქე იყო, ის ჯერ კიდევ ითვლება კრეატიული ნახევარმცველის ეტალონად.

ფილი ამბობს:"რატომ სქოულზი? ის იყო გენია. ერთ-ერთი საუკეთესო მოთამაშე."

რაიან გიგზი

სტატისტიკა: 963 მატჩი, 168 გოლი, 25 ტიტული.

რეზიუმე: ნუთუ მოიძებნება კიდევ ვინმე მსგავსი "პირადი საქმით"? უელსელს ყველაზე მეტჯერ აქვს მორგებული "იუნაიტედის" მაისური, მან 24 წელი ითამაშა უმაღლეს დონეზე, უკანასკნელ სეზონში კი მოთამაშე-მწვრთნელის ამპლუაც კი შეითავსა. ახლა რაიანი ლუი ვან გაალის ასისტენტია, თუმცა გაცილებით დიდი ამბიციები აქვს.

ფილი ამბობს:"რა შემიძლია ვთქვა რაიანზე? იგი ყველაფერს უმაღლეს დონეზე აკეთებს. ტოპ-კლასის პროფესიონალი".

რიო ფერდინანდი

სტატისტიკა: 455 მატჩი, 8 გოლი, 13 ტიტული.

რეზიუმე: ხშირად ადარებდნენ ავტომობილს "როლს-როის". იგი თითქმის მთელი კარიერის მანძილზე ითვლებოდა მსოფლიოს საუკეთესო მცველად. რიო ქვეყნის პირველი გუნდის კაპიტანიც კი იყო, ფაბიო კაპელოს მწვრთნელობის დროს. მისი და ვიდიჩის დუეტი "იუნაიტედის" ისტორიაში შევიდა, მათი დარი ცენტრალურ მცველთა წყვილი ძნელად მოიძებნება.

ფილი ამბობს: "რიო შესანიშნავად მოქმედებდა ბურთით, ძალიან კარგად კითხულობდა თამაშს. ტოპ-კლასის მცველია."

ნემანია ვიდიჩი

სტატისტიკა: 300 მატჩი, 21 გოლი, 10 ტიტული.

რეზიუმე: ძლიერი ცენტრალური მცველი, რომელსაც არავისი ეშინოდა. სერბი საკულტო ფიგურად იქცა, მას შემდეგ რაც მოსკოვის "სპარტაკიდან" "ოლდ ტრაფორდზე" გადაბარგდა. ვიდიჩმა კაპიტნის სამკლავური გარი ნევილისგან გადაიბარა და ღირსეულადაც ატარა. იგი მშვიდი და წყნარი იყო მოედნის ფარგლებს მიღმა, თუმცა მწვანე ბალახზე მასთან ურთიერთობის დაჭერას არავინ ცდილობდა.

ფილი ამბობს:"ის ანადგურებდა ყველას და ყველაფერს რაც კი გზად გადაეღობებოდა. მან რიოსთან ერთად საოცარი დუეტი შექმნა. ისინი საოცრად ეწყობოდნენ ერთმანეთს და ვცდილობ მაგალითი მათგან ავიღო".

უეინ რუნი

სტატისტიკა: 479 მატჩი, 230 გოლი, 9 ტიტული.

რეზიუმე: "მანჩესტერ იუნაიტედის" და ინგლისის ეროვნული გუნდის კაპიტანი ახლოსაა სერ ბობი ჩარლტონის რეკორდის დამხობასთან. ეს მიღწევები, უეინს აქცევს ერთ-ერთ უდიდეს მოთამაშედ. ის სწრაფია, უნივერსალი და ძლიერი - მაგრამ რაც ყველაზე მთავარია, უკვე 11 სეზონია "ეშმაკია".

ფილი ამბობს:"უაზას გოლებმა იგი სხვა დონეზე აიყვანა, ის მსოფლიოში ერთ-ერთი საუკეთესოა".