"მანჩესტერ იუნაიტედმა" დანი ალვეშის კანდიდატურა თავის საზაფხულო სატრანსფერო სიაში შეიტანა.

რამდენიმე დღის წინ 32-წლის მცველმა განაცხადა, რომ თავისი მომავლის შესახებ გადაწყვეტილებას მხოლოდ 6 ივნისის ჩემპიონთა ლიგის ფინალის შემდეგ მიიღებს. ბრაზილიელის ბედი მის ხელთაა, რადგან "ბარსელონასთან" მოქმედი კონტრაქტი სწორედ ზაფხულს იწურება.

კატალონიური კლუბი დანის დატოვების სურვილს არ მალავს, თუმცა თავად ფეხბურთელი "ნოუ კამპზე დარჩენას მხოლოდ გარკვეული პირობების სანაცვლოდ აპირებს.

ფართოდ ცნობილია, რომ მცველის სამსახურით პსჟ ინტერესდება, თუმცა "მანჩესტერ იუნაიტედსაც" სურს მისი შეძენა.

"დარჩენა მინდა, მაგრამ არა ყველაფრის ფასად. ყოველივე ფულზე არ არის დამოკიდებული, არამედ დაფასებაზეც.

თუ ჩემდამი პატივისცემას არ გამოავლენენ, სხვა კლუბში წავალ. ამ კლუბის წინაშე ჩემი დამსახურების დამცირებას არ შევეგუები. ისე არ მაფასებენ, როგორც ამას ვიმსახურებ," - განაცხადა ალვეშმა.

ცნობილია, რომ ბოლო კვირებში "იუნაიტედის" ინტერესი "საუთჰემპტონის" მარჯვენა მცველის, ნათანაელ კლაინისადმი ჩაცხრა და ვან გაალის მთავარ სამიზნედ დანი ალვეში ითვლება.

წყარო: dailymail