როგორც მოგეხსენებათ, მომდევნო ტურში "ჰალ სიტი" "იუნაიტედს" უმასპინძლებს. ამ მატჩში მთავარი ფაქტორი არის ის, რომ "ჰალს" მხოლოდ გამარჯვება აძლევს ხელს, რათა პრემიერ ლიგაში ადგილი შეინარჩუნოს, თან "ვესტ ჰემი" არ უნდა დამარცხდეს "ნიუკასლთან", თორემ შეხვედრას არანაირი მნიშვნელობა აღარ ექნება.

"მანჩესტერ იუნაიტედის" ოფიციალურმა საიტმა გამოაქვეყნა ვიდეო, სადაც მსგავსი მნიშვნელობის მატჩებია ასახული. ასეთი შემთხვევა სამჯერ დაფიქსირდა. საინტერესო ის არის, რომ "ჰალი" პირველად არ იქნება "იუნაიტედის" მარწუხებში. შეგახსენებთ, რომ "ჰალის" მთავარი მწვრთნელი სტივ ბრიუსია, რომელიც "იუნაიტედის" ფეხბურთელი გახლდათ, ხოლო მისი თანაშემწე, მაიკ ფელანია, რომელიც ასევე დაკავშირებულია "იუნაიტედთან", იგი სერ ალექსის თანაშემწე იყო.

პირველი შეხვედრა 2009 წლის დღევანდელ დღეს გაიმართა. "ჰალმა" "იუნაიტედს" უმასპინძლა და 0:1 წააგო, გოლი დარენ გიბსონმა გაიტანა.

მეორე შეხვედრა 2011 წლის 22 მაისს გაიმართა, სადაც "იუნაიტედი" "ბლექპულს" მასპინძლობდა.
"იუნაიტედის" მხრიდან თავი ჯი სუნგ პარკმა, ანდერსონმა და ოუენმა გამოიჩინეს, ხოლო ერთი გოლი, საკუთარ კარში იან ევატმა გაიტანა.

შემდეგი შეხვედრაში "საუთჰემპტონი" - "იუნაიტედს" უპირისპირდებოდა, რომელიც წითლების გამარჯვებით, ანგარიში 1:2 დასრულდა.

"იუნაიტედის" მხრიდან გოლები ჯონ ოშიმ და დარენ ფლეტჩერმა გაიტანეს.