კრის სმოლინგმა განაცხადა, რომ მომდევნო სეზონში "იუნაიტედმა" არ შეიძლება მიზნად ოთხეულში მოხვედრა დაისახოს.

"არსენალის" წინააღმდეგ ნათამაშები ფრის შემდეგ "იუნაიტედს" მინიმალური შანსი ეძლევა, რომ სეზონი მეოთხე ადგილზე მაღლა დაასრულოს და ჩემპიონთა ლიგის საკვალიფიკაციო ეტაპი თავიდან აიცილოს.

შუა კვირაში, თუ "არსენალი" "სანდერლენდის" დამარცხებას მოახერხებს, ლუი ვან გაალის შეგირდები ჩემპიონთა ლიგის ჯფუგურ ეტაპზე მოსახვედრად საკვალიფიკაციო რაუნდს გაივლიან.

"იუნაიტედი" თავის მეტოქეს 7 აგვისტოს გამართული კენჭისყრის შემდეგ გაიგებს. მატჩები კი 18/19 და 25/26 აგვისტოს გაიმართება.

მიუხედავად იმისა, რომ გასულ სეზონში დევიდ მოიესის ხელმძღვანელობის ქვეშ "იუნაიტედმა" მეშვიდე ადგილი დაიკავა და მიმდინარე სეზონში სამი ადგილით მაღლა აინაცვლა, კრის სმოლინგი მიღწეულში აღნიშვნის მიზეზს ვერ ხედავს.

"არა, საკმარისად კარგი არ არის. ეს არ არის ის, რასაც ძალიან აღვნიშნავთ. მაგრამ ეს არის ნაბიჯი.

ვიცით, რომ მომდევნო სეზონში მეოთხე ადგილი საკმარისი არ იქნება. "არსენალთან" მატჩის მიწურულს ჩვენი გულშემატკივარი საოცარი იყო, მაგრამ იმედი გვაქვს, მომდევნო სეზონში აღნიშვნისთვის რამე უფრო მნიშვნელოვანი მიზეზი მოგვეცემა.

სეზონის მიმდინარეობასთან ერთად, ვუმჯობესდებოდით, მაგრამ "ჩელსი" პირველი დღიდან კარგ ფეხბურთს თამაშობს და ტიტულიც სწორედ მათ მოიგეს.

ხანდახან კარგ ფეხბურთს ვერ აჩვენებდნენ, მაგრამ მაინც იგებდნენ. ისეთ მატჩში, როგორიც ჩვენ "არსენალს" ვეთამაშეთ, "ჩელსი" ნამდვილად გაიმარჯვებდა 1-0-ს", - განაცხადა სმოლინგმა.

წყარო: M.E.N.