"იუვენტუსის" ლეგენდარულმა გოლკიპერმა ჯანლუიჯი ბუფონმა, "მანჩესტერ იუნაიტედის" ყოფილი მწვრთნელი სერ ალექს ფერგიუსონი გუნდიდან პოლ პოგბას გაშვების გამო გააკრიტიკა.

ტურინში გადასვლიდან სამი წლის შემდეგ, პოგბა ერთ–ერთ საუკეთესო ახალგაზრდა ფეხბურთელად ითვლება.

ჯიჯი კი განცვიფრებულია იმით, რომ ფერგიუსონმა პოგბას ტალანტი ვერ შეამჩნია.

"ფეხბურთში უკვე მრავალი წელია ვარ, თუმცა ფერგიუსონის გადაწყვეტილება პოგბას გაშვებასთან დაკავშირებით, ჩემთვის ყველაზე უცნაურია."

"მისი პირველი ვარჯიშის შემდეგ, ჩვენ დავინახეთ თუ რამდენად ნიჭიერი და კარგი იყო ის. შეუძლებელია, რომ ეს მანჩესტერში არ აღმოეჩინათ. ჩავთვალეთ, რომ "იუნაიტედს" სათვალე სჭირდებოდა."

"მე არ მინახავს ფეხბურთელი, რომელიც თავის ასაკთან შედარებით შესანიშნავი იყოს. იგი იმდენად ძლიერი და ტექნიკურად ნიჭიერია, რომ სუსტი მხარეები საერთოდ არ აქვს. ამ ასპექტში ის მესისა და რონალდოს ძალიან ჰგავს. "იუნაიტედმა" მსოფლიოს დონის მოთამაშე გაუშვა, რომლისგანაც ჩვენ მხოლოდ საუკეთესო მივიღეთ."– განაცხადა იტალიელმა ლეგენდამ.