"მანჩესტერ იუნაიტედის" მხარდამჭერთა გაერთიანებამ (The Manchester United Supporters Trust) კლუბის მფლობელებს, გლეიზერების ოჯახს ბრალი დასდო, მათი მტკიცეით ბიზნესმენებმა "იუნაიტედისგან" მილიარდი ფუნტი მიიღეს.

MUST-მა გლეიზერების მფლობელობის 10-წლის იუბილე ახალი შეტევისთვის გამოიყენა. გაერთიანება მიიჩნევს, რომ კლუბის მფლობელები საკუთარი ინტერესიდან გამომდინარე მოქმედებდნენ.

"იუნაიტედის" შესყიდვის ისტორია კარგად არის ცნობილი - 2005 წელს ბიზნესმენებმა 790 მლნ. ფუნტის ოდენობის შეთანხმება გააფორმეს, რაც შემდეგ ვალის სახით კლუბს გადაეცა. MUST-ი კი ამტკიცებს, რომ ამან "ეშმაკებს" ევროპაში დომინირებად ძალად ქცევაში ხელი შეუშალა.

"არც ერთი პენის ინვესტირების სურვილს ნებისმიერი კლუბის გულშემატკივარი აღიქვამდა, როგორც "პირად დანაშაულს", მაგრამ გლეიზერებმა გაცილებით უარესი რამ გააკეთეს, "მანჩესტერ იუნაიტედისგან" კოლოსალური თანხები აიღეს.

თუ დავითვლით კლუბის შეძენის საფასურის ყველა პროცენტსა და ჯარიმას, პლუს მათ მიერ პირდაპირ გადახდილ თანხას, პლუს კლუბის ვალს, მაშინ გამოვა, რომ გლეიზერებმა უკვე მილიარდ ფუნტზე მეტი მიიღეს და ეს თანხა იზრდება.

ფეხბურთის ისტორიაში არც ერთ მფლობელს, არც ერთ ქვეყანაში, არასდროს აუღია კლუბისგან ამდენი თანხა.

როცა გლეიზერებმა 2005 წელს კლუბი შეიძინეს, უკვე გვყავდა გასაოცარი ახალგაზრდა გუნდი, რომელშიც რონალდუ და რუნი შედიოდნენ.

კლუბში ინვესტიციის ჩადების გაგრძელების შემთხვევაში ევროპაში წლების განმავლობაში დომინირებად ძალად უნდა ვქცეულიყავით, მაგრამ გლეიზერებმა ეს მომენტი ხელიდან გაუშვეს. და მიუხედავად იმისა, რომ საფეხბურთო მოედანზე გარკვეულ წარმატებებს მივაღწიეთ, მათ შორის ევროპაშიც, ეს იყო ხელიდან გაშვებული შესაძლებლობების ათწლეული.

"იუნაიტედს" "ლივერპულის" შედეგი უნდა გაეუმჯობესებინა და ევროპაში ხუთ თასზე მეტი მოეგო. თითქოს ეს სავსებით შესაძლებელი იყო, რომ არა ფინანსური შეზღუდულობა გლეიზერებისგან", - ნათქვამია MUST-ის განცხადებაში.

წყარო: fapj.ru