მიუხედავად იმისა, რომ "ლივერპულის" მთავარმა მწვრთნელმა ბრენდან როჯერსმა ინფორმაცია უარყო, "მერსეისაიდელები" მაინც მართავდნენ მოლაპარაკებებს მემფის დეპაის შესაძენად.

მას შემდეგ, რაც "მანჩესტერ იუნაიტედმა" ოფიციალურად დაადასტურა 22-წლის ჰოლანდიელის ტრანსფერი, როჯერსმა განაცხადა, რომ ის არც კი განიხილავდა მსოფლიოს ერთ-ერთი ყველაზე ნიჭიერი ახალგაზრდა ვინგერის გადაბირების ვარიანტს.

თუმცა პსვ-ს სპორტულმა დირექტორმა მარსელ ბრენდსმა აღიარა, რომ ფეხბურთელის თაობაზე მასთან მოლაპარაკებებს მისი კოლეგა იან ეირი მართავდა.

"მემფისისადმი ინტერესს სამი კლუბი იჩენდა და თითოეულ მათგანს ვეუსაბრეთ. ჩვენი მოთხოვნების შესახებ იცოდნენ, მაგრამ საბოლოო გადაწყვეტილება ფეხბურთელზე იყო.

პირადად როჯერსთან არ მისაუბრია, მაგრამ შევხვდი იან ეირს. ვიცი, რომ დანიელ სტარიჯთან დაკავშირებით პრობლემები შეექმნა, ამიტომ შესაძლოა, სწორედ ეს გახდა გადაწყვეტილების შეცვლის მიზეზი.

"ლივერპულში" არ ვმუშაობ, მათ სატრანსფერო პოლიტიკას არ ვიცნობ და ეს არც არის ჩემი საქმე. "იუნაიტედი" ძალიან სწრაფად მოქმედებდა, მემფისმა კი მათი ინტერესის გაგებისთანავე შეცვალა გადაწყვეტილება. არჩევანი "იუნაიტედის" სასარგებლოდ გააკეთა და ამის გამო მოხარულები ვართ", - განაცხადა ბრენდსმა.

წყარო: fapl.ru