"კრისტალ პალასზე" "მანჩესტერ იუნაიტედის" 1-2 გამარჯვებამ ლუი ვან გაალს საშუალება მისცა "ჩელსისა" და "ლივერპულის" მატჩს "ფანტასტიურ ღვინოსთან" ერთად უყუროს.

"სელჰარსტ პარკზე" მოპოვებულმა გამარჯვებამ "წითელ ეშმაკებს" ოთხეულში ადგილი კიდევ უფრო გაუმყარა და თუ "სტემფორდ ბრიჯზე" "ლურჯები" ტრიუმფით დაასრულებენ მატჩს, ვან გაალის შეგირდებს ჩემპიონთა ლიგის საკვალიფიკაციო ეტაპი გარანტირებული ექნებათ.

შედეგმა ვან გაალი ნასიამოვნები დატოვა, მატჩის შემდგომ პრეს-კონფერენციაზე კი ჟურნალისტებს განუცხადა, რომ "ლივერპულის" მარცხს დაელოდება და ამას ჭიქა ღვინით აღნიშნავს.

"ამ შედეგით ძალიან ბედნიერი ვარ. ჩვენი მიზნისკენ დიდი ნაბიჯი გადავდგით და ხვალ ფანტასტიური ჭიქა ღვინით დავსხდებით, რათა "ჩელსისა" და "ლივერპულის" დაპირისპირებას ვუყუროთ".

ჟურნალისტმა ვან გაალს შემდეგ ჰკითხა, შეხვდებოდა თუ არა მოურინიოს ღვინი, თუკი პორტუგალიელი ბრენდან როჯერსის დამარცხებას მოახერხებდა, რაზეც მან უპასუხა: "ძალიან ბევრ წითელ ღვინოს ვერ ვსვამ, ასე რომ, ალბათ შეხვდება".

წყარო: manutd.com