"მანჩესტერ იუნაიტედსა" და "პსვ ეინდჰოვენს" შორის მიღწეული შეთანხმების შემდეგ მემფის დეპაი PSV TV-ის ესაუბრა.

ესე იგი დადასტურდა, რომ "მანჩესტერ იუნაიტედმა" და "პსვ ეინდჰოვენმა" შეთანხმებას მიაღწიეს...

ფანტასტიკურია! ოცნება ამიხდა. უდიდესი გამოწვევისკენ უდიდესი ნაბიჯი გადავდგი.

ვარჯიშზე თანაგუნდელებისგან აპლოდისმენტები და კეთილი სურვილები მიიღე. ამან გაგაბედნიერა?

დიახ, გამაბედნიერა. როცა ყველა ფეხბურთელი მოდის შენთან და წარმატებას გისურვებს, ეს ყველაფერს ამბობს შენ მიერ გატარებულ ბოლო სეზონზე.

ადვილი იყო იმ კლუბის არჩევა, სადაც შენთვის ნაცნობი ლუი ვან გაალი მუშაობს?

დიახ, კარგი შეგრძნება იყო, მწვრთნელს ძალიან კარგად ვიცნობ. კარგი ურთიერთობა გვაქვს. ჩემ ირგვლივ გავრცელებული სპეკულაციების გამო ცოტა მიჭირდა, მაგრამ ახლა "მანჩესტერ იუნაიტედის" ფეხბურთელი ვარ და ჩემი ცონება ახდა. ეს ნიშნავს, რომ როგორც ფეხბურთელი, ვიზრდები.

პსვ-ს რიგებში მხოლოდ ორი მატჩის ჩატარება დაგრჩა, ეს მატჩები განსაკუთრებულია?

დიახ, იქნება. პსვ-ს ახალგაზრდული აკადემიიდან მოვდივარ, აქ 12 წლიდან ვიმყოფები. ამისთვის ბევრი ვიშრომე და მის მისაღწევად მრავალი სირთულე გადავლახე: სისხლი, ცრემლები, აღზევება და დაცემა. მაგრამ ამ ყველაფრის შედეგი რაღაც მშვენიერება გახდა. გავიზარდე, როგორც ფეხბურთელი და ადამიანი. ამიტომ ჩემთვის ბოლო ორი შეხვედრა ძალიან ემოციური იქნება.

გასულ სეზონში პსვ-ში დარჩენა შენი პირადი არჩევანი იყო და ყველაფერი გააკეთე იმისთვის, რომ ლიგა მოგეგო...

გასული წელი დიდებული იყო ჩემთვის. მსოფლიო ჩემპიონატზე ჰოლანდიის ნაკრებთან ერთად მესამე ადგილი და ბოლოს პსვ-სთან ერთად ლიგის მოგება. დიდებული იყო, იქნებ გუნდური რეკორდი დავამყაროთ და ლიგის საუკეთესო ბომბარდირი გავხდე. ყველაფერს გავაკეთებ დარჩენილ ორ მატჩში პსვ-სთვის და მატჩებისგან სიამოვნებას მივიღებ.

წყარო: manutd.com