ეშლი იანგი განაწყენებულია "ოლდ ტრაფორდზე" "ვესტ ბრომვიჩთან" დამარცხებით, მაგრამ ის და მისი თანაგუნდელები თვლიან, რომ პრემიერ ლიგის საუკეთესო ოთხეულში დარჩენა კვლავ "იუნაიტედზეა" დამოკიდებული.

"წითელმა ეშმაკებმა" შაბათს ზედიზედ მესამე მარცხი განიცადეს "ჩელსისა" და "ევერტონთან" დამარცხების შემდეგ.

ეს შედეგი კი ლუი ვან გაალის შეგირდებს მეხუთე ადგილზე მყოფ "ლივერპულთან" სეზონის დასრულებამდე სამი ტურით ადრე მხოლოდ 4-ქულიან ჰანდიკაპს უქმნის.

როცა ჰკითხეს, არსებობდა თუ არა გუნდში რწმენა, რომ "იუნაიტედი" კვლავ შეძლებდა ოთხეულში მოხვედრას, იანგმა განაცხადა: "რა თქმა უნდა, არის. ფეხბურთელებსაც და შტაბსაც სჯერათ, რომ ჩემპიონთა ლიგაზე აუცილებლად გავალთ და ყოველთვის ეს გვინდოდა.

ყველაფერი კვლავ ჩვენს ხელთაა და წინ სამი მძიმე მატჩი გვაქვს. "პალასის" წინააღმდეგ კიდევ ერთი რთული შეხვედრა გვექნება და გვინდა გამარჯვებების გზას დავუბრუნდეთ", - განაცხადა ვან გაალმა.

"იუნაიტედს" "შაშვების" წინააღმდეგ დომინირებდა, თუმცა კარის აღება მაინც ვერ მოახერხა, ეს სცენარი კი ძალიან ჰგავდა "ჩელსისა" და "ევერტონის" წინააღმდეგ მატჩებში განვითარებულ სურათს.

"ვიცოდით, რომ "ვესტ ბრომი" ავტობუსის ჩაყენებას აპირებდა და სწორედ ასე მოიქცნენ. უნდა სცადო და სივრცეები იპოვო, მაგრამ ეს ყოველთვის რთულია, როცა ყოველი მოთამაშე ბურთის უკან იმყოფება.

ჩვენ გვაქვს გუნდური სული და ხასიათი იმისთვის, რომ ამ მარცხს თავი დავაღწიოთ. ამ კვირაშიც ვიმუშავებთ, მოვემზადებით სავარჯიშო მოედანზე და იმედი მაქვს, მომდევნო კვირას მოვლენები ჩვენთვის კარგად განვითარდება", - დაასრულა იანგმა.

წყარო: manutd.com