ლუი ვან გაალს "ვესტ ბრომთან" მატჩის წინ გამართულ პრეს-კონფერენციაზე ჰკითხეს, მის გუნდსა და ლიდერ "ჩელსის" შორის არსებული სხვაობის შემცირებას რით შეეცდებოდა, მაგრამ მწვრთნელმა აღნიშნა, რომ ამ გუნდებს შორის განსხვავება არც იმდენად დიდია, რამდენადაც სატურნირო ცხრილი აჩვენებს.

"ეს სეზონი ძალიან ცუდად დავიწყეთ, მაგრამ თუ სტარტს გამოვაკლებთ, შეგვეძლო "ჩელსის" დავწეოდით. ლიგის ტოპ-გუნდების წინააღმდეგ ჩვენი მატჩები უკვე ნახეთ და არა მგონია, სხვაობა ძალიან დიდი ყოფილიყო. ამის განსჯა მაშინ შეგიძლიათ, როცა კლუბები ერთმანეთს შორის თამაშობენ.

კარგით, წელს ტიტულისთვის არ ვიბრძვით, მაგრამ მეორე ადგილთან ძალიან ახლოს ვართ. "ჩელსი" სხვა კლუბებს ძალიან უსწრებს, მაგრამ მომდევნო სეზონში ყველაფერი სხვაგვარად იქნება. მომდევნო წელს სხვა გუნდი გვეყოლება, მაგრამ არა მარტო ჩვენ, არამედ "მანჩესტერ სიტის", "ჩელსის" და "ლივერპულსაც" - ყველა კლუბს, რომელიც პირველი ადგილისთვის იბრძვის.

სეზონი უკეთ უნდა დავიწყოთ. როცა ჩვენი მზადების მიმოხილვას ვაკეთებ, უკეთესი ჩანს, მაგრამ უნდა ვნახოთ, როგორი იქნება. ჩვენს სელექციაში ბალანსირება უნდა მოვახდინოთ და შემდეგ იმაზე უკეთ ვითამაშებთ, ვიდრე ახლა ვთამაშობთ. მომდევნო სეზონში წლევანდელზე უკეთესი თამაში უნდა ვაჩვენოთ".

წყარო: manutd.com