ანდერ ერერა აცხადებს, რომ მოხარულია პოლ სქოულზისგან საქებარი სიტყვების მოსმენით, რომელმაც მცირე ხნის წინ განაცხადა, რომ ნახევარმცველი მიმდინარე სეზონში ლუი ვან გაალის საუკეთესო შენაძენია.

Newstalk FM-თან ინტერვიუში სქოულზმა შემდეგი რამ თქვა: "ერერა ერთადერთია, რომელმაც ჩემზე ყველაზე დიდი შთაბეჭდილება მოახდინა. ის ერთ-ერთი იყო, რომელსაც თავიდან გუნდში თავის დამკვიდრება გაუჭირდა, მაგრამ ახლა კარგად თამაშობს. ერერა გოლებს იტანს, ერერა გოლებს ქმნის. დიდებული შენაძენია და ჯერ კიდევ ახალგაზრდაა, ამიტომ იმედი მაქვს, გაუმჯობესდება".

აპრილის თვის საუკეთესო ფეხბურთელის პრიზის მიღების შემდეგ "იუნაიტედის" ოფიციალურმა ტელეარხმა ჰკითხა, თუ რას ნიშნავდა მისთვის საყვარელი ნახევარმცველისა და "მანჩესტერ იუნაიტედის" ერთ-ერთი ყველაზე კაშკაშა ფეხბურთელისგან მსგავსი სიტყვების მოსმენა.

"ეს სიტყვები ჩემთვის ძალიან, ძალიან დიდებული იყო და მოხარული ვარ ამის გამო. ვფიქრობ, პოლ სქოულზი "მანჩესტერ იუნაიტედის" ისტორიაში საუკეთესო ნახევარმცველია და მისგან ასეთი სიტყვების მოსმენა მაბედნიერებს. იმედი მაქვს, გავუმჯობესდები, ასევე ვითამაშებ და მომდევნო სეზონშიც იტყვის ასეთ რამეს".



წყარო: manutd.com