მიმდინარე კვირაში რადიო-შოუში "ჩელსის" მიერ ტიტულის მოგების განხილვისას შენიშნეს, რომ ჟოზე მოურინიომ კლუბის ორგზის წლის საუკეთესო ფეხბურთელი იმის გამო გაყიდა, რომ ესპანელი საკმარისად არ შრომობდა მოედანზე.

მატა პრაგმატული პორტუგალიელის სათამაშო გეგმებს არ ესადაგებოდა, მაგრამ არასწორი იქნებოდა იმის მტკიცება, რომ ხუანი მოედანზე გუნდისთვის არ შრომობს. პირიქით, Opta-ს სტატისტიკა აჩვენებს, რომ ხუანი პრემიერ ლიგაში "მანჩესტერ იუნაიტედის" ფეხბურთელებს შორის 10 მატჩში ყველაზე მეტ მანძილს ფარავდა - ეს ყველა სხვა ფეხბურთელის მიერ ნაჩვენებ შედეგს აღემატება.

ასეთი შედეგი შესაძლოა ვან გაალის ინსტრუქციებს არ შეესაბამებოდეს, რადგან ლუი ბურთის ფლობას და ზედმეტი ენერგიის დახარჯვისგან თავის შეკავებას ამჯობინებს, რაც ერერამ მცირე ხნის წინ მიცემულ ინტერვიუში დაადასტურა. თავის მხრივ ანდერი მატას შემდეგ ყველაზე შრომისუნარიანი ფეხბურთელია და "ევერტონთან" ჩატარებული მატჩის შემდეგ, სადაც ასევე ყველაზე მეტი მანძილი დაფარა, მის ანგარიშზე მსგავსი შედეგის მქონე რვა მატჩია.

ასე რომ, სანამ ერერა "გუდისონ პარკზე" "იუნაიტედის" შემადგენლობაში ყველაზე მეტს დარბოდა და ამან აესთეთიკური სიამოვნება დატოვა, ანდერი ვან გაალის გუნდში კვლავ ყველაზე ხშირად ჩანდა. მატამ საწყის სამ მატჩში ყველაზე მეტი შრომისუნარიანობა აჩვენა - "სუონსის" წინააღმდეგ მის მიერ დაფარული 12.54 კმ. არავის გაუმეორებია. ერერა კი პირველად ყველაზე მოძრავი ფეხბურთელი ქპრ-ს წინააღმდეგ ჩატარებულ შეხვედრაში გახდა, თუმცა ამის შემდეგ მსგავს შედეგს თებერვალში "გედებთან" დაპირისპირებამდე ვერ აღწევდა.

ბოლო ცხრა მატჩიდან ერერამ შვიდში მოახერხა მატჩში ყველაზე მოძრავი ფეხბურთელი გამხდარიყო - "ლივერპულთან" ამ მხრივ მარუან ფელაინი გამოირჩა, "ჩელსისთან" კი რუნი.

სეზონის დასაწყისიდან მოყოლებული ყოველ კონკრეტულ მატჩში ფეხბურთელების ვალდებულება შეიძლება განსხვავდებოდეს, რაც კარგად ხსნის, თუ რატომ ხდებიან მატა, ერერა და ფელაინი "იუნაიტედის" ყველაზე მოძრავი ფეხბურთელები, მაგრამ ის ფაქტი, რომ ვერავინ შეძლო იმდენი მანძილის გარბენა, რამდენიც მატამ, სალაპარაკო თემას აჩენს.

შესაძლოა მონაცემები "იუნაიტედის" სათამაშო სტილზე საუბრის საშუალებასაც იძლევა და მეთოდებს ვან გაალი უკეთ გაარჩევს, მაგრამ როგორც არ უნდა იყოს, არ შეიძლება იმის თქმა, რომ მატა და ერერა, რომლებიც კრეატიული და ინტელიგენტი ფეხბურთელები არიან, შრომას თაკილობენ.