რადამელ ფალკაოს ჯერ კიდევ აქვს "ოლდ ტრაფორდზე" დარჩენის შანსი, რამეთუ ცნობილი გახდა, რომ "იუნაიტედის" აღმასრულებელმა დირექტორმა ედ ვუდვორდმა "მონაკოსთან" კვირას მოლაპარაკებები გამართა.

ფალკაომ, რომელსაც ფრანგული კლუბიდან იჯარის წესით გადასვლის შემდეგ მხოლოდ ოთხი გოლი აქვს გატანილი, კიდევ ერთი ცუდი მატჩი ჩაატარა "სტემფორდ ბრიჯზე".

ედ ვუდვორდმა "მონაკოს" ვიცე-პრეზიდენტ ვადიმ ვასილიევს კი აცნობა, რომ კლუბი ფალკაოს შეძენის საკითხს მხოლოდ სეზონის ბოლოს გადაწყვეტს.





ვასილიევმა განაცხადა: "მანჩესტერ იუანიტედის" წარმომადგენლები გასულ კვირას ვნახე და მითხრეს, რომ ჯერ კიდევ არ გადაუწყვეტიათ, ისარგებლებენ თუ არა ფეხბურთელის შეძენის უფლებით.

ფალკაოს საუკეთესო სეზონი ნამდვილად არ აქვს, მაგრამ "იუნაიტედი" გადაწყვეტილების მიღებას სეზონის ბოლომდე არ აპირებს".

მიუხედავად იმისა, რომ ძალზედ საეჭვოა "იუნაიტედში" კოლუმბიელის დარჩენა, ფალკაოს კიდევ ერთი შანსი მიეცა.

გამოსყიდვის შემთხვევაში კი "იუნაიტედს" 43.5 მლნ. ფუნტის გადახდა მოუწევს, რადგან წინასწარი შეთანხმებით სწორედ ეს თანხა იქნა გათვალისწინებული.

"სხვა მოლაპარაკეკებში არ შევდივართ, თუნდაც სხვა დიდი კლუბები დაინტერესდნენ. გადაწყვეტილება "მანჩესტერზეა", შემდეგ კი შევხედავთ, რა სურს ფეხბურთელს. მეტი გამჭვირვალობა მირჩევნია," - დაასრულა ვასილიევმა.

წყარო: dailymail