"სტემფორდ ბრიჯზე" გამართულ შეხვედრაში განსახილველი ცოტა ეპიზოდი იყო, თუმცა რაც იყო, მან გაცხარებული დისკუსია გამოიწვია გუნდების გულშემატკივრებს შორის. თითოეული მათგანის შესახებ საკუთარ აზრს გამოვთქვამ.

იმსახურებდა თუ არა დროგბა მეორე ყვითელ ბარათს?

შეხვედრის მეორე ნახევარში დროგბამ მიიღო დამსახურებული ყვითელი ბარათი და გულშემატკივარს მაშინვე გაახსენდა ეპიზოდი, როცა ფორვარდმა ერერაზე წესები დაარღვია, მაგრამ მაიკ დინმა არ გააფრთხილა.



დროგბა ბურთზე თამაშს ცდილობდა, მის დარღვევაში გააზრება არ შეიმჩნეოდა, არც აგრესია და განუსჯელობა, არც ერერას მიუღია ტრავმა, ასე რომ, გაფრთხილების მიზეზი არ არსებობდა. დინმა სწორი გადაწყვეტილება მიიღო.

დე ხეას თამაში საჯარიმოს ხაზზე



ცალსახა დარღვევა დე ხეას მხრიდან (ესპანელმა საჯარიმო დაკარგა). თამამად შეიძლება წითელ ბარათზე საუბარი, რადგან დე ხეას რომ არ დაეჭირა ბურთი, აზარს მიუვიდოდა და ამას გოლი მოჰყვებოდა. ახლოს არ იყო მცველი, რომელიც ბელგიელს ხელს შეუშლიდა, ვალენსია შორს იდგა.

თუმცა მსაჯის დადანაშაულება ასეთ გადაწყვეტილებაში რთულია. მხოლოდ გაჩერებულ კადრზე ჩანს, რომ დე ხეა სანტიმეტრებით გადასცდა საჯარიმოს ხაზს, ხოლო საჯარიმოს ხაზი იმ ზონის ნაწილად ითვლება, რომელზეც წესი №1 იუწყება:

"სათამაშო მოედანი სწორკუთხოვანი უნდა იყოს და ხაზებით გამოყოფილი. ეს ხაზები შედის მოედანში, რომელსაც ისინი განსაზღვრავს."

გასათვალისწინებელია მთავარი მსაჯის პოზიციაც: მომენტს კარგად დაეწია, მაგრამ ამ მომენტის შესაფასებლად მაინც საჯარიმოს ხაზზე უნდა იმყოფებოდე, რაც ცოტათი სცდება ადამიანურ შესაძლებლობებს - საეჭვოა მსოფლიოში მოიძებნოს ყველაზე კარგი ათლეტი, რომელიც ასეთ მომენტებს მიუსწრებს, თანაც მთელი 90 წუთის განმავლობაში. მსაჯის დამხმარეს კი მოთამაშეები ფარავდნენ.

მაიკ დინი შეცდა, მაგრამ არ შეიძლება მისი დადანაშაულება.

ფალკაოსა და ტერის ორთაბრძოლა გოლის წინ



ცალსახა ჯარიმა, მხოლოდ ტერის მარჯვენა ხელის მდგომარეობისთვის ყურადღების მიქცევაც რად ღირს. რომ არა ეს ხელი, მხოლოდ თუ ვივარაუდებდით, მოახერხებდა თუ არა მცველი ბურთზე მისწრებას მანამდე სანამ, არსებით ფიზიკურ ზეგავლენას მოახდენდა თავდამსხმელზე, ან მას შემდეგ.

მსაჯის შეცდომა, მაგრამ უნდა აღინიშნოს, რომ მისი შეტანა მათ რიცხვში, რამაც მატჩზე გავლენა მოახდინა, შეიძლება.

ფალკაოსა და ტერის შეჯახება. უბარათოდ



არაფერი სერიოზული. ამ მოქმედებისთვის დარტყმის წოდება რთულია, ასე რომ, მაქსიმუმ თითო ყვითელი ბარათი არასპორტული საქციელისთვის.

მომენტი საკამათო პენალტის დროს. ყვითელი ბარათი სიმულაციისთვის



ეს არის ჩემი ერთ-ერთი ყველაზე საძულველი მომენტი მსაჯობაში. არის სიმულაციის ფაქტი, მაგრამ ამასთან ერთად არის ჯარიმის ფაქტიც. რომ შეიძლებოდეს დასტვენა წესების დარღვევის გამო და თან ყვითელი ბარათის ჩვენება სიმულაციისთვის, პირადად მე ძალიან გამიადვილდებოდა ეპიზოდის გარჩევა.

ჩემი ვერდიქტი: უფრო ჯარიმა, ვიდრე სიმულაცია. ჩემთვის, კონკრეტულ სიტუაციაში, ჯარიმა უფრო პრიორიტეტულია, მაგრამ მცველის მისამართით ფეხის მცირედი მოძრაობა და გაფორმებული ვარდნა მაიკ დინს სიმულაციის ვარიანტის განხილვის საშუალებას აძლევს და არც მისი გამტყუნება შეიძლება.

MNF-ის გადაცემაში იყო გამოშება, რომელშიც გარი ნევილმა რამდენიმე მსგავსი ეპიზოდი განიხილა და ახსნა, თუ როდის მიანიშნებენ ამ დროს ნიშნულზე, მიუხედავად სიმულაციისა და როგორ სიტუაციაში სჯიან თავდამსხმელს, მიუხედავად იმისა, რომ მასზე წესები დაარღვიეს.

P.S.: ნამდვილი ტოპ-თავდამსხმელი 95-ე წუთზე მოწინააღმდეგეს თავს არ შეაკლავს, როცა კარისკენ ზურგით იმყოფება და საჯარიმოდან გადის. თუ ირონიას გამოვიყენებთ, მხოლოდ ამის გამო უნდა დაისაჯოს კეჰილი.

ავტორი: სერგეი იაროსლავცევი