როგორ უნდა დაამარცხოს "მანჩესტერ იუნაიტედმა" "ჩელსი"? სწორედ ეს შეკითხვა დაუსვეს დენი ჰიგინბოთამს და როგორც ყოველთვის, აკადემიის აღზრდილმა ახლაც ნათელი და ამომწურავი პასუხი გასცა.

ფელაინი ასპილიკუეტას მიუჩინეთ: "წამიდან, როცა ეშლი იანგი ბურთს მიიღებს, განსაკუთრებით, დასაწყისში, გეტყვით, რომ ფელაინი ასპილიკუეტას უნდა ეთამაშოს, რადგან ივანოვიჩი, ტერი და კეჰილი წინააღმდეგობას გაუწევენ, მაგრამ სესარი საჰაერო ორთაბრძოლებში მარუანს ვერ შეეწინააღმდეგება.

მიეცით გაქცევის საშუალება ნახევარმცველებს: "ხალხმა შეიძლება თქვას, რომ ჯონ ტერი ასპილიკუეტას დაეხმარება, მაგრამ მაშინ შეხედეთ ცენტრში გაჩენილ სივრცეებს. ასპილიკუეტას იზოლირება უნდა მოხდეს... ეს კი ნიშნავს, რომ მატა და ერერა მატჩს დაეპატრონებიან.

კერიკმა ფაბრეგასი უნდა გააკონტროლოს: "თუ ფაბრეგასი "ათიანის" პოზიციაზე ითამაშებს, კერიკმა იგივე უნდა გააკეთოს, რაც "ენფილდზე" კოუტინიოს წინააღმდეგ - ეს საშუალებას მისცემს ცენტრალურ მცველებს, რემიზე ან დროგბაზე იზრუნონ, ამიტომ კერიკი უნდა დარწმუნდეს, რომ სესკი ვერაფერს მოიმოქმედებს.

ჩაკეტეთ ნემანია მატიჩი: "როცა "მანჩესტერ იუნაიტედი" ბურთს დაკარგავს და მას ნემანია მატიჩი მიიღებს, მე ერთ ნახევარმცველს მივუჩენდი - იქნება ეს ფელაინი თუ რუნი - რათა მატიჩი აიყვანონ და მას მოქმედების საშუალება არ მისცენ".



წყარო: manutd.com