დეილი ბლინდი აცხადებს, რომ ძალიან ადვილია პასუხი გასცე კითხვას: იბრძოლებს თუ არა "მანჩესტერ იუნაიტედი" მომდევნო სეზონში ჩემპიონობისთვის.

ჰოლანდიელმა ფეხბურთელმა ბოლო ექვს შეხვედრაში მნიშვნელოვანი როლი ითამაშა და გუნდს ისეთი მეტოქეების წინააღმდეგ გამარჯვების მოპოვებაში დაეხმარა, როგორებიც "ტოტენჰემი", "ლივერპული" და "მანჩესტერ სიტი" არიან.

"იუნაიტედს" ეს შედეგი მესამე ადგილზე მოხვედრაში დაეხმარა, რაც მეორე ადგილზე მყოფ "არსენალთან" მხოლოდ ერთ ქულიან სხვაობას ტოვებს, ხოლო ლიდერ "ჩელსისთან" 8 ქულასა და 1 თამაშით მეტს. მიუხედავად იმისა, რომ მომდევნო ტურში "სტემფორ ბრიჯზე" პოტენციური გამარჯვება სხვაობის 5-ქულამდე შემცირებას ნიშნავს, ბლინდს მიაჩნია, რომ მიმდინარე სეზონში ჩემპიონობის შანსი გუნდს არ აქვს და ამისთვის მომავალ წელს იბრძოლებენ.

"მანჩესტერ იუნაიტედი" არის გუნდი, რომელიც ყოველთვის იბრძვის ტიტულისთვის, ასე რომ, პასუხის გაცემა ადვილია," - უპასუხა ბლინდმა შეკითხვას: იბრძოლებს თუ არა "იუნაიტედი" მომდევნო წელს ჩემპიონობისთვის.

"ყოველ ჯერზე, როცა თამაშობ, გინდა უკეთესად ითამაშო და თუ ნახავთ ბოლო პერიოდში ჩვენს თამაშებს, გაუმჯობესებას აუცილებლად შეატყობთ. ჯერ კიდევ ვუმჯობესდებით და ჩვენ ერთი გუნდი ვართ, რაც ყველაზე მნიშვნელოვანია. სწორედ ასე უნდა გავაგრძელოთ და გონებაში ჩავინერგოთ, რომ ყოველი მატჩი უკანასკნელია".

კითხვაზე, კვირას "სიტის" დამარცხებამ სხვა კლუბებს შეტყობინება გაუგზავნა თუ არა, ბლინდმა უპასუხა: "რა თქმა უნდა, ისინი ამას უყურებენ. მაგრამ ჩვენ მხოლოდ ჩვენს თავს და ჩვენს მატჩებს უნდა მივაქციოთ ყურადღება და ფოკუსირებაზე მათზე მოვახდინოთ. შემდეგ კი ვნახავთ, როგორ დასრულდება ყველაფერი."

"წითელი ეშმაკები" "სტემფორდ ბრიჯზე" თავდაჯერებულად ჩადიან.

"არ უნდა ვუყუროთ "ჩელსის" ან სხვა გუნდებს - მხოლოდ საკუთარ მატჩზე უნდა მოვახდინოთ კონცენტრაცია. მხოლოდ საკუთარ თავზე. დასასრულს ყველა თამაში უკანასკნელია და საკუთარი თავის უნდა ვირწმუნოთ," - დაასრულა ბლინდმა.

წყარო: manutd.com