გუშინ, პრემიერ ლიგის 32-ე ტურის ცენტრალურ მატჩში "იუნაიტედმა" "სიტი" დაამარცხა და სამეულში ადგილი დაიმკვიდრა. შეხვედრა სტუმრების უპირატესობით დაიწყო და მე-8 წუთზე ანგარიშიც გახსნეს. დავიდ სილვას გადაცემით სერხიო აგუერომ ისარგებლა და გუნდი დააწინაურა. გაშვებული გოლის შემდეგ მასპინძლები მოედნის ცენტრს დაეპატრონნენ და მალევე წონასწორობაც მალევე აღადგინეს ეშლი იანგის გოლის წყალობით. 27-ე წუთზე მარუან ფელაინიმ თავური დარტყმით წინ გაყვანა იუნაიტედი.

მეორე ტაიმი კვლავ მასპინძელთა უპირატესობით წარიმართა, რასაც 67-ე წუთზე მატას გოლი მოჰყვა. აღსანიშნავია ისიც, რომ გოლი თამაშგარე მდგომარეობიდან გავიდა. ზუსტად 6 წუთში კრის სმოლინგმა სხვაობა გამანადგურებელი გახადა. "სიტიმ" სხვაობის შემცირება 89-ე წუთზე მოახერხა სერხიო აგუეროს გოლის წყალობით. 32 ტურის შემდეგ "იუნაიტედი" 65 ქულით მე-3 ადგილს იკავებს და 1 ქულით ჩამორჩება "არსენალს".

მანჩესტერ იუნაიტედი – მანჩესტერ სიტი 4:2

სტადიონი: "ოლდ ტრაფორდი"
გოლები: 0:1; 4:2 აგუერო (8; 89), 1:1 იანგი (14), 2:1 ფელაინი (27), 3:1 მატა (67), 4:1 სმოლინგი (73).
გაფრთხილებები: მილნერი, სილვა, კომპანი
მსაჯი: მარკ კლატენბურგი

შემადგენლობები

მანჩესტერ იუნაიტედი: დე ხეა, ჯონსი (როხო 75), სმოლინგი, ბლინდი, ვალენსია, კერიკი, ერერა, ფელაინი (ფალკაო 83), იანგი, მატა (დი მარია 80), რუნი.

მანჩესტერ სიტი: ჰარტი, დემიჩელისი, კომპანი (მანგალა 46), ზაბალეტა, კლიში, ტურე, ფერნანდინიო, სილვა, ნავასი (ლამპარდი 74), მილნერი (ნასრი 63), აგუერო.