თბილისი:
მანჩესტერი:
13-04-2015, 15:13
ავტორი: RojoDiablo,
ნანახია: 1368,
კომენტარები: 8
"დერბიში ცვლილებების დრო იყო"
ხუან მატას ყოველკვირეული ბლოგი.
სალამი ყველას,

ამის წერის პროცესში ჯერ კიდევ სავსე ვარ დერბიში გამარჯვების შემდეგ ადრენალინით. დაამარცხო შენი მანჩესტერელი კონკურენტი, თანაც კარგი თამაშით, გაიტანო გოლი შენი ამდენი გულშემატკივრის წინაშე - გასაოცარი გრძნობაა, განსაკუთრებით იმიტომ, რომ კარგ ფორმას ვინარჩუნებთ და ქულების მოპოვებას ვაგრძელებთ.

შესაძლოა მრავალჯერ ვიმეორებ, მაგრამ უნდა ვთქვა, რომ საუკეთესო ნაწილი არის ატმოსფერო, რომელსაც "ოლდ ტრაფორდი" ქმნის. უნდა აღვნიშნო, რომ ჩემი აქ მოსვლის შემდეგ ასეთი ატმოსფერო არასდროს მინახავს და ეს გახურებისთანავე ვიგრძენი... განსაკუთრებული მატჩი იყო. "სიტის" წინააღმდეგ რამდენიმე მატჩი წავაგეთ და ფეხბურთელებიცა და გულშემატკივარიც გრძნობდნენ, რომ ცვლილების დრო იყო. რთულია სიტყვებით ავხსნა ის, რასაც მოედანზე ვგრძნობდი, მაგრამ დერბიში მღელვარების დაბრუნება არასდროს დამავიწყდება.

შედეგი შესანიშნავია, თუმცა უნდა ვაღიარო, რომ დასაწყისი ცუდი გამოდგა... ძლიერად დაიწყეს, დიდებული ფეხბურთი ითამაშეს საწყის წუთებში და გოლიც გაიტანეს, მაგრამ ჩვენმა გუნდმა ხასიათი აჩვენა და ამის შემდეგ დაბრუნება მოვახერხეთ, რაც აჩვენებს, რომ ეს გუნდი ადვილად არ ნებდება. საკუთარი თავისადმი უდიდესი რწმენა გვაქვს, ამას კარგი და ცუდი თამაშისასაც ვგრძნობთ. ეშლი მნიშვნელოვანი ფიგურა იყო ანგარიშის გათანაბრებაში, მეორე გოლის გატანაში და ამის შემდეგ ბურთის კონტროლში, რითაც კიდევ ერთი სამი ქულა მოვიპოვეთ, რაც ძალიან მნიშვნელოვანია ჩვენი მიზნის მიღწევაში. ალბათ, ყველაზე საოცარი რამ, კიდევ ერთხელ, იყო ხასიათი, რომელიც გუნდმა ცუდი სტარტის შემდეგ აჩვენა.

დღეიდან ჩვენ მომდევნო "ფინალზე" ვფიქრობთ, ჩემპიონატის ლიდერებთან სტუმრობაზე. საჭიროც კი არ არის ვთქვა, რომ ძალიან განსაკუთრებული მატჩი იქნება ჩემთვის. სეზონის პირველ ნაწილში "ჩელსის" წინააღმდეგ უკვე ვითამაშე, მაგრამ "სტემფორდ ბრიჯზე" დაბრუნება მოგონებებს გამიღვიძებს. როცა კლუბში მოვედი, ვთქვი: "მადლიერება გულში მაქვს". და ახლაც ასე ვფიქრობ. ამავე დროს, მინდა მადლობა გადავუხადო მათ, ვინც ლონდონში დამეხმარა და მომდევნო კვირაში ყოფილ თანაგუნდელებთან, მეგობრებსა და გულშემატკივრებთან შეხვედრა კარგი იქნება. მათგან მხოლოდ კარგი მახსოვს და ყველაფერს საუკეთესოს ვუსურვებ. თუმცა, ჩვენი მიზანი სამი ქულის წამოღება იქნება და უკანასკნელ სასტვენამდე ამას ვეცდები. საუკეთესო რამ ის არის, რომ ამ მატჩს კარგად, თავდაჯერებით ვხვდებით, მაგრამ შესანიშნავად ვაცნობიერებთ, რომ თუ "ჩელსის" დამარცხება გვინდა, ჩვენი საუკეთესო თამაში უნდა ვაჩვენოთ.

გეხვევით ყველას და იმედი მაქვს, რომ ჩემთვის განსაკუთრებულ თამაშში კარგ შედეგებს შევინარჩუნებთ. სასიამოვნო კვირას გისურვებთ, ჩემო მეგობრებო!

ხუანი

წყარო: juanmata8.com
მატას ბლოგი
8 კომენტარი
№1
ავტორი: AkkRed
13 აპრილი 2015 15:20
  • სიახლეები: 74
  • კომენტარები: 4669
ამან სტემფრროდ ბრიჯზეც გაიტანა გოლი მაშინ წლის საუკეთესო ეკუთვნის
0
№2
ავტორი: GeorgeBest
13 აპრილი 2015 15:21
  • სიახლეები: 1547
  • კომენტარები: 12134
მართლა მაგარი ატმოსფერო იყო, გულშემატკივრობა არასდროს აკლდათ მარა ფელაინის გოლის მერე ვაბშე აფეთქდა ტრიბუნა love
0
№3
ავტორი: RojoDiablo
13 აპრილი 2015 15:22
  • სიახლეები: 6998
  • კომენტარები: 8684
თამაში ორმაგად დაძაბული იქნებოდა, ჩელსის ქპრ-სთან რომ ვერ მოეგო. ის კი არა, კურტუამ ისეთები აიღო, წაგებაც შეეძლოთ. თუმცა არც ახლა იქნება უბრალო მატჩი. "ჩელსისთვისაც" არ მოგვიგია დიდი ხანია. თუ არ ვცდები სამი თამაშია. ამიტომ ისედაც განსაკუთრებული მატჩი იქნება. მანდაც გამოჩნდება კარგად რას წარმოვადგენთ. ვნახოთ რას შევთავაზებთ ჩელსის მათსავე მოედანზე.
0
_ _ _ _ _ _ _ _ _ _ _ _ _ _ _ _ _ _ _ _
If You Can't Support Us When We Lose, Don't Support Us When We Win
№4
ავტორი: AkkRed
13 აპრილი 2015 15:27
  • სიახლეები: 74
  • კომენტარები: 4669
RojoDiablo,

ჩელსი შემოგვთავაზებს 10 მცველი და ერთი მეკარე, ქპრსთან ითამაშეს დაცვითი ტაქტიკით თან ეტყობათ რომ უკვე დაღლილები არიან ვეღარ ქაჩავს მთელი სეზონი ერთი სასტავით და საერთოდ ჩაჯდებიან დაცვაში
0
№5
ავტორი: abrama
13 აპრილი 2015 15:41
  • სიახლეები: 1
  • კომენტარები: 933
მგონია რომ ევერტონთან უფრო გაგვიჭირდება ვიდრე ჩელსისთან. მოუგებგ ჩელსის
0
№6
ავტორი: გაბადაძე
13 აპრილი 2015 16:37
  • სიახლეები: 0
  • კომენტარები: 736
იმედია მოუს მიუძღვნი ერთ გოლს wink
0
_ _ _ _ _ _ _ _ _ _ _ _ _ _ _ _ _ _ _ _ g.gabadadze
№7
ავტორი: Macklemore
13 აპრილი 2015 17:59
  • სიახლეები: 24
  • კომენტარები: 2125
იმედია მატას წასვლაზე აღარაფერი დაიწერება. ყველა კრიტიკოსს მოაკეტინა ხუანიტომ!
0
№8
ავტორი: Blind
14 აპრილი 2015 01:13
  • სიახლეები: 0
  • კომენტარები: 216
ჩელსიში რამდენი ხანი იყო ?
0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

24 ოქტომბერი 2019, 20:45
პარტიზანი
იუნაიტედი
ევროპა ლიგა
27 ოქტომბერი 2019, 18:00
ნორვიჩი
იუნაიტედი
პრემიერ ლიგა
29 ოქტომბერი 2019, -
ჩელსი
იუნაიტედი
ლიგის თასი
პარტიზანი24 ოქტომბერი
ნორვიჩი27 ოქტომბერი
ჩელსი29 ოქტომბერი
SportsRecents.com

შემოგვიერთდი

წინა მატჩები

20 ოქტომბერი 2019, 18:00
იუნაიტედი1
ლივერპული1
პრემიერ ლიგა
6 ოქტომბერი 2019, 19:30
ნიუკასლი1
იუნაიტედი0
პრემიერ ლიგა
3 ოქტომბერი 2019, 20:45
ალკმაარი0
იუნაიტედი0
ევროპა ლიგა
ლივერპული20 ოქტომბერი
ნიუკასლი6 ოქტომბერი
ალკმაარი3 ოქტომბერი

პრემიერ ლიგა

დამალვა
ვიდეო პორტალი
ყველა უფლება დაცულია

© MANUTD.GE 2012

Top