ჯეიმი რედნაპმა, მარტინ კიოუნმა, ბრაიან რობსონმა და დენის ტაერტმა კვირას გასამართი მანჩესტერული დერბის შესახებ ისაუბრეს.

რატომ არის უპირატესობა "იუნაიტედის" მხარეს?

ჯეიმი რედნაპი: "ინგლისის თასზე "არსნელთან" დამარცხების შემდეგ დარწმუნებული ვიყავი, რომ "იუნაიტედი" ძალიან ცუდ მდგომარეობაში იქნებოდა. სიტუაცია "ენფილდზე" შეიცვალა. გუნდი არა მხოლოდ იმარჯვებს ბოლო თამაშებში, არამედ აკეთებს ამას ლამაზად და ძალიან თავდაჯერებულად. რაც შეეხება "სიტის", მათი მდგომარეობა საპირისპიროდ არის. ისინი საკმარისად კარგები არ არიან."

მარტინ კიოუნი: "ნამდვილი ჩემპიონი წარსულში მიღწეულ წარმატებებს ივიწყებს და გამარჯვებების შემდეგ იწყებს სამუშაოებს განახლებული ენერგიით. "სიტი" ამჟამად დასვენებას აგრძელებს. ლუი ვან გაალმა კი ოპტიმალური შემადგენლობის ძიება დაასრულა."

ბრაიან რობსონი: ""სიტის" ბოლო წარუმატებლობამ ძალიან გამაკვირვა. "იუნაიტედმა" თავის მხრივ დიდი ნაბიჯი გადადგა და როგორც ჩანს, გუნდი ლუი ვან გაალის მოთხოვნებს უკვე შეეგუა."

დენის ტაუერტი: ""იუნაიტედის" ჩემპიონთა ლიგაზე ვერ მოხვედრა ლუი ვან გაალს მოთამაშეების ხანგრძლივ მომზადებაში დაეხმარა. "სიტიში" კი პირიქით, პელეგრინის ტაქტიკა აერია, გუნდმა კი საკუთარი შესაძლებლობებისადმი ნდობა დაკარგა."



ვან გაალი - კარგი სტრატეგია თუ უბრალოდ გაუმართლა?

მარტინ კიოუნი: კომბინაცია ორში. ტრავმებმა ვან გაალი აიძულა უეინ რუნი თავდასხმაში კვლავ დაებრუნებინა. რაც შეეხება სატრანსფერო პოლიტიკას, ლუი ვან გაალის შენაძენები მოიესის ტრანსფერებს ბევრად სჯობდა.

ბრაიან რობსონი: შეხედეთ მის გამოცდილებას. მას იღბლიანი არ შეიძლება ეწოდოს. იგი საკუთარ შესაძლებლობებში ბოლომდე დარწმუნებულია. ის კარგად იცნობს საკუთარ ფეხბურთელებს და მოედანზე ყოველ ადგილს ეძებს."

დენის ტაერტი: "ერთხელ ნაპოლეონმა თქვა, მირჩევნია ჩემს არმიაში იყვნენ იღბლიანი გენერლები, ვიდრე ტაქტიკურად ძლიერები. მსგავსი რამ შეიძლება ვან გაალზე თქვა. ვან პერსისა და ანხელ დი მარიას ტრავმებმა ჰოლანდიელს აიძულა მატასა და ფელაინის სახით სხვა ვარიანტები გამოეყენებინა."

ჯეიმი რედნაპი:"ხალხი კმაყოფილია შედეგით, რომელსაც ჰოლანდიელი აღწევს. კლუბი სატურნირო ცხრილის ზედა ნაწილშია, სადაც აუცილებლად უნდა იყოს. მან თქვა, რომ დრო სჭირდებოდა. ახლა კი სამუშაო უკვე დაასრულა."



ვინ გაიმარჯვებს დერბიში?

ჯეიმი რედნაპი: "ვფიქრობ, "იუნაიტედი" ანგარიშით 2:1 გაიმარჯვებს. გუნდს საკუთარი შესაძლებლობების რწმენა აქვს, მათ ძლიერი იმპულსი მიიღეს. არ ვფიქრობ, რომ "სიტი" ასეთი სირთულეების შემდეგ წარმატების მიღწევას შეძლებს."

მარტინ კიოუნი: "იუნაიტედი". ვან გაალმა უკვე იპოვა მუშა ტაქტიკა და შეარჩია სწორი შემადგენლობა. ნაკლებად სავარაუდოა, რომ ამ მატჩში "სიტი" ქულის აღებას შეძლებს."

ბრაიან რობსონი: "ბოლო დერბიში გამარჯვებული "სიტი" გახდა, თუმცა ამ მომენტში "იუნაიტედი" კარგ პოზოციაზეა. ვფიქრობ, თამაში ფრედ დასრულდება."

დენის ტაერტი: ""მანჩესტერ სიტიმ" იცის, თუ როგორ მიაღწიოს წარმატებას "ოლდ ტრაფორდზე" და მათ ეს ნამდვილად დაეხმარებათ. თუ მათ საკუთარი ძალის სჯერათ, ისინი კარგ შედეგს ნამდვილად მიაღწევენ."

წყარო: Redevils.ru