"მანჩესტერ იუნაიტედის" მთავარმა მწვრთნელმა ლუი ვან გაალმა განაცხადა, რომ დიდი ხანია დიქტატურას არ მისდევს და მუშაობის სხვადასხვა მეთოდებს იყენებს.

63-წლის მწვრთნელმა დიქტატორის რეპუტაცია წინა კლუბებში - "აიაქსში", აზ-ში, "ბარსელონასა" და "ბაიერნში" - მიიღო. თუმცა "ოლდ ტრაფორდზე" ვან გაალმა თავის პრინციპებს ფეხბურთელების სასარგებლოდ უღალატა.

"საკმაოდ რბილი ადამიანი ვარ. ხალხი ფიქრობს, რომ მე ბოსი, დიქტატორი ვარ. მაგრამ არ მინდოდა ასეთი ვყოფილიყავი. ვიმეორებ, რბილი ადამიანი ვარ. ჩემმა ცოლმა იცის ეს.

ახალ კლუბში მოსვლისას მიდგომა უნდა შეცვალო და ახალ კულტურას თანდათან შეეგუო. "მანჩესტერ იუანიტედში" ჩემი მუშაობის სტილი "ბაიერნსა" და ჰოლანდიის ნაკრებში მუშაობისგან განსხვავდება.

ჩემს ფილოსოფიაში რამდენიმე ასპექტია, რომელთაც ვეყრდნობი, მაგრამ მზად ვარ შევიცვალო და ჩემ გადაწყვეტილებაზე გავლენას ახდენენ როგორც მოთამაშეები, ისე ასისტენტები." - განაცხადა ვან გაალმა.

ლუის სიტყვებს ადასტურებს "იუნაიტედის" კაპიტანი. რუნის თქმით ვან გაალი სულაც არ არის ისეთი, როგორადაც მას ჟურნალისტები მიიჩნევენ.

"ის ყოველთვის გახსნილია, მუდამ მზად არის ნებისმიერ თემაზე გესაუბროს - იქნება ეს საფეხბურთო თუ სხვა რამ. როცა საქმე ვარჯიშებს ეხება, 100%-ით მასზე ფიქრობს, მაგრამ შეგიძლია ნებისმიერ რამეზე ესაუბრო. ლუი კარგი ადამიანია და ფეხბურთელები მას ენდობიან." - განაცხადა უეინმა.

წყარო: fapl.ru