დეილი ბლინდს სჯერა, რომ "მანჩესტერ იუნაიტედში" გადასვლის შემდეგ განვითარდა, როგორც ფეხბურთელი.

ჰოლანდიელმა "აიაქსთან" 16-წლიანი კავშირი გაწყვიტა და ლუი ვან გაალის გუნდს შეუერთდა, სადაც ის მწვრთნელის ნდობით სარგებლობს.

"წითელი ეშმაკების" რიგებში ბლინდის სტარტი უიღბლო გამოდგა, რადგან ფეხბურთელი მუხლის ტრავმამ შეაწუხა, რომელმაც 7 კვირა გამოატოვებინა.

25-წლის დეილი გამოჯანმრთელებისთანავე დაუბრუნდა სასტარტო შემადგენლობას, მაგრამ ბოლო ორ შეხვედრაში, რომელშიც "იუნაიტედმა" "ტოტენჰემი" და "ლივერპული" დაამარცხა, ბლინდმა მარცხენა მცველის როლი მოირგო.

"პრემიერ ლიგაში აუცილებლად უნდა გაიზარდო," - აცხადებს ბლინდი.

"უკვე აღვნიშნე, რომ რიტმი აქ ძალიან მაღალია. მატჩები უბრალოდ უფრო სწრაფად მიმდინარეობს, ვიდრე ჰოლანდიაში. ეს ჰოლანდიის ეროვნულ ნაკრებში მე და ჩემს კარიერას წაადგება.

როცა საკუთარ თავს ავითარებ, უფრო სრულყოფილი ფეხბურთელი ხდები და სწორედ ეს მსურს - გავუმჯობესდე ყოველდღე, ვისწავლო უფრო მეტი. ეს კი თამაშით უნდა მოახერხო."

წყარო: M.E.N.